Polida vesprada de XIII aqueste dissabte 22 d’octòbre a l’estadi d’Avinhon amb 15 000 espectators ramosats per seguir una dobla confrontacion entre França e Anglatèrra de XIII.
La valentiá sufís pas
Las Blavas dintrèron determinadas, faguèron córrer la palma, plaquèron e plaquèron. A la pausa, èran menadas 12-6. Dins lo segond temps, las anglesas trapèron de solucions per traucar la defensa blava e ganhar 36-6.
Lo temps se metèt a l’anglesa, amb una pluèja contunha, per la segonda partida. La dobertura foguèt musclada e los Pols s’escapèron pas. Eloi Pelissièr partiguèt al ras del tengut, marquèt e Gigòt transformèt: 6-0; mas dins las dètz darrièras minutas del primièr temps, a fòrça de monopolizar la pauma, los Blancs capitèron a passar quatre còps: 22-6 pels angleses. Dins lo segond temps, meteis scenari: amb una volontat ferotja e una brava solidaritat, los Blaus tenguèron lo còp mièja orada abans de pèrdre pè e de plegar tres còps dins lo final. Un 40-6 qu’es car pagat pels Pols e que mòstra tota la diferéncia de nivèl entre las doas formacions mas qu’es una bona basa de trabalh per la Copa del Mond de l’an que ven.
Pels angleses, plaça ara al Torneg de las 4 Nacions que se dobrirà aqueste divendres de ser (9 oras, ora occitana) a Hull per l’oposicion entre Austràlia e Escòcia, puèi dissabte a Huddersfield (3 oras e mièja del vèspre, ora occitana) per la partida entre angleses e la Nòva Zelanda. Totas las partidas del Torneg se poiràn seguir sus BeInSport.
Lo grand classic: Carcassona-Limós
Al país, retorn al campionat d’Elèit amb la cinquena jornada. En cap d’aficha, lo dèrbi dimenge entre Carcassona e Limós a 4 oras del vèspre a Domèc, partida precedida d’una taulejada a las sabors de tardor. Al programa tanben tres partidas dissabte: Albi-Lesinhan, Tolosa-Dragonets, Palau-Sent Gaudenç e dimenge Vilanòva-Avinhon.
2017 en Super-Liga
Lo calendièr de la sason de Superliga de 2017 ven d’èsser publicat: los Dragons reçaupràn d’en primièr los Lops de Warrington lo dissabte 11 de febrièr a Brutus.
Alan Roch
La valentiá sufís pas
Las Blavas dintrèron determinadas, faguèron córrer la palma, plaquèron e plaquèron. A la pausa, èran menadas 12-6. Dins lo segond temps, las anglesas trapèron de solucions per traucar la defensa blava e ganhar 36-6.
Lo temps se metèt a l’anglesa, amb una pluèja contunha, per la segonda partida. La dobertura foguèt musclada e los Pols s’escapèron pas. Eloi Pelissièr partiguèt al ras del tengut, marquèt e Gigòt transformèt: 6-0; mas dins las dètz darrièras minutas del primièr temps, a fòrça de monopolizar la pauma, los Blancs capitèron a passar quatre còps: 22-6 pels angleses. Dins lo segond temps, meteis scenari: amb una volontat ferotja e una brava solidaritat, los Blaus tenguèron lo còp mièja orada abans de pèrdre pè e de plegar tres còps dins lo final. Un 40-6 qu’es car pagat pels Pols e que mòstra tota la diferéncia de nivèl entre las doas formacions mas qu’es una bona basa de trabalh per la Copa del Mond de l’an que ven.
Pels angleses, plaça ara al Torneg de las 4 Nacions que se dobrirà aqueste divendres de ser (9 oras, ora occitana) a Hull per l’oposicion entre Austràlia e Escòcia, puèi dissabte a Huddersfield (3 oras e mièja del vèspre, ora occitana) per la partida entre angleses e la Nòva Zelanda. Totas las partidas del Torneg se poiràn seguir sus BeInSport.
Lo grand classic: Carcassona-Limós
Al país, retorn al campionat d’Elèit amb la cinquena jornada. En cap d’aficha, lo dèrbi dimenge entre Carcassona e Limós a 4 oras del vèspre a Domèc, partida precedida d’una taulejada a las sabors de tardor. Al programa tanben tres partidas dissabte: Albi-Lesinhan, Tolosa-Dragonets, Palau-Sent Gaudenç e dimenge Vilanòva-Avinhon.
2017 en Super-Liga
Lo calendièr de la sason de Superliga de 2017 ven d’èsser publicat: los Dragons reçaupràn d’en primièr los Lops de Warrington lo dissabte 11 de febrièr a Brutus.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Sus la partida de las femininas :
http://www.ffr13.fr/actualite-feminines/actualite-xiii-france-feminine/edf-feminines-alice-varela-en-reproduisant-la-1ere-mi-temps-nous-aurions-gagne/
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari