Actualitats
Total e Iran signan un acòrdi de sièis miliards d’èuros
Quand lo projècte serà totalament desvolopat, se produirà jornalièrament aperaquí 50 de milions de m3 de gas
Total, la societat mondiala de petròli e de gas amb son sèti al districte parisenc de La Défense, signèt dimars un acòrdi de principi amb lo govèrn d’Iran d’un montant de sièis miliards d’èuros pel desvolopament d'un important sit de gas al Golf Persic. Aquela signatura marca lo retorn de Total en Iran, ont lo grop èra present abans lo refortiment de las sancions contra aquel país en 2012.
Total dirigirà un consòrci internacional amb la participacion de la societat chinesa China National Petroleum Corporation (CNPC) e la companhiá iraniana Petropars, que depend de la Companhiá Estatala Iraniana de Petròli (NIOC). L’acòrdi final serà conclús d’aicí sièis meses.
Quand lo projècte serà totalament desvolopat, se produirà jornalièrament aperaquí 50 de milions de m3 de gas.
Segon l’AFP, s’agís del primièr acòrdi entre Iran e una companhiá occidentala après la signatura en julhet de 2015 de l’acòrdi nuclear entre Iran e sièis poténcias mondialas (los Estats Units, China, França, Alemanha, lo Reialme Unit e Russia) dins lo qual la republica islamica s’es engatjada a una reduccion de son programa nuclear en contrapartida de la reduccion de las sancions economicas.
Total dirigirà un consòrci internacional amb la participacion de la societat chinesa China National Petroleum Corporation (CNPC) e la companhiá iraniana Petropars, que depend de la Companhiá Estatala Iraniana de Petròli (NIOC). L’acòrdi final serà conclús d’aicí sièis meses.
Quand lo projècte serà totalament desvolopat, se produirà jornalièrament aperaquí 50 de milions de m3 de gas.
Segon l’AFP, s’agís del primièr acòrdi entre Iran e una companhiá occidentala après la signatura en julhet de 2015 de l’acòrdi nuclear entre Iran e sièis poténcias mondialas (los Estats Units, China, França, Alemanha, lo Reialme Unit e Russia) dins lo qual la republica islamica s’es engatjada a una reduccion de son programa nuclear en contrapartida de la reduccion de las sancions economicas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari