Aquesta fin de novembre marcava un temps de pausa tretzista aprèp lo Quatre-Nacions e amb una jornada sens partidas dels campionats d’elèit.
Tinhassa e lo triangle d’aur
Tinhassa es lo palhassa del Circ d’Òc e l’eròi de la benda dessenhada que servís de supòrt al Projècte Academic d’Occitan 2016-17 per las escòlas dels departaments d’Aude, Erau, Gard e Losera. Lo tèma n’es los espòrts. Nòstre palhassa s’iniciarà al tambornet en Erau, a las ajustas al Grau del Rei e a las quilhas de 8 a Sanch Èli d’Apchièr.
A Lesinhan, lo Circ d’Òc monta son tibanèl prèp de l’estadi del Molin en grand revolum, vist que lo FCL reçaup Limós, autra punta amb Carcassona del triangle d’aur tretzista. Tinhassa va venir un afogat del XIII e integrar a son torn de pista una cançon bèla:
Los milierats d’escolans que participan al projècte descobriràn tanben la practica del XIII dins l’annada e lo jorn de las Encontradas departamentalas al mes de junh de 2017. Una iniciacion que serà seguida de prèp per Fabiana Albèrt, a l’encòp conselhièra pedagogica d’occitan d’Aude e clavaira de la Federacion dels XIII.
E, un jorn, la finala del campionat tornarà trapar la pelena de l’Estadium de Tolosa dins l’encastre de grandas Olimpiadas occitanas!
Lo Player Welfare Manager dels Dragons
Los Dragons Catalans an demandat a Steve Daekin (entraïnaire de l’Union Tretzista Catalana en 2003-2005 e 2010-11) d’èsser lo Player Welfare Manager, valent a dire lo responsable del benèsser dels jogaires. Son ròtle consistirà a seguir los jogaires dins lor vida vidanta, dins lo ligam entre vida personala e activitat professionala. Farà lo punt sus lor estat psicologic e velharà a lor integracion dins la vida del grop. Pensarà tanben amb los jogaires a lor reconversion e a l’aprèp-vida professionala. Fin finala, tendrà un ròtle de confident e de sosten moral als jogaires.
Lesinhan-Carcassona en cap d’aficha
Dimenge, un còp manjada la pincarda-salsa fetge gras, lo public poirà assistir a un rescontre de tria al Molin entre Lesinhan e l’AS Carcassona.
Aquesta uèitena jornada d’Elèit 1 se dobrirà dissabte amb los rescontres Vilanòva-Tolosa e Dragonets-Sent Gaudenç. D’autras doas partidas se jogaràn dimenge de vèspre: Limós-Albi e Avinhon-Palau.
Alan Roch
Tinhassa e lo triangle d’aur
Tinhassa es lo palhassa del Circ d’Òc e l’eròi de la benda dessenhada que servís de supòrt al Projècte Academic d’Occitan 2016-17 per las escòlas dels departaments d’Aude, Erau, Gard e Losera. Lo tèma n’es los espòrts. Nòstre palhassa s’iniciarà al tambornet en Erau, a las ajustas al Grau del Rei e a las quilhas de 8 a Sanch Èli d’Apchièr.
A Lesinhan, lo Circ d’Òc monta son tibanèl prèp de l’estadi del Molin en grand revolum, vist que lo FCL reçaup Limós, autra punta amb Carcassona del triangle d’aur tretzista. Tinhassa va venir un afogat del XIII e integrar a son torn de pista una cançon bèla:
Diga-me Tinhassa
Se sabes jogar
Se sabes jogar de la rugbineta
Diga-me Tinhassa
Se sabes jogar
Se sabes jogar de la rugbinà
Rugbi, rugbi, rugbineta
Rugbi, rugbi, rugbinà (Bis)
Se sabes jogar
Se sabes jogar de la rugbineta
Diga-me Tinhassa
Se sabes jogar
Se sabes jogar de la rugbinà
Rugbi, rugbi, rugbineta
Rugbi, rugbi, rugbinà (Bis)
Los milierats d’escolans que participan al projècte descobriràn tanben la practica del XIII dins l’annada e lo jorn de las Encontradas departamentalas al mes de junh de 2017. Una iniciacion que serà seguida de prèp per Fabiana Albèrt, a l’encòp conselhièra pedagogica d’occitan d’Aude e clavaira de la Federacion dels XIII.
E, un jorn, la finala del campionat tornarà trapar la pelena de l’Estadium de Tolosa dins l’encastre de grandas Olimpiadas occitanas!
Lo Player Welfare Manager dels Dragons
Los Dragons Catalans an demandat a Steve Daekin (entraïnaire de l’Union Tretzista Catalana en 2003-2005 e 2010-11) d’èsser lo Player Welfare Manager, valent a dire lo responsable del benèsser dels jogaires. Son ròtle consistirà a seguir los jogaires dins lor vida vidanta, dins lo ligam entre vida personala e activitat professionala. Farà lo punt sus lor estat psicologic e velharà a lor integracion dins la vida del grop. Pensarà tanben amb los jogaires a lor reconversion e a l’aprèp-vida professionala. Fin finala, tendrà un ròtle de confident e de sosten moral als jogaires.
Lesinhan-Carcassona en cap d’aficha
Dimenge, un còp manjada la pincarda-salsa fetge gras, lo public poirà assistir a un rescontre de tria al Molin entre Lesinhan e l’AS Carcassona.
Aquesta uèitena jornada d’Elèit 1 se dobrirà dissabte amb los rescontres Vilanòva-Tolosa e Dragonets-Sent Gaudenç. D’autras doas partidas se jogaràn dimenge de vèspre: Limós-Albi e Avinhon-Palau.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari