La societat Facebook s’es engatjada a investir vint milions de dolars en projèctes de lotjament a de còstes abordables. Fa gaire recebèt de criticas perque ajuda pas los residents de Silicon Valley, afectats per un procès de vielhiment accelerat de la populacion, causat, en partida, per la societat que la dirigís Mark Zuckerberg.
 
A començament de decembre, Facebook expliquèt l'intencion de collaborar amb d’organizacions localas pel drech del lotjament, concretament per finançar de projèctes de construccion d'apartaments socialas e per ajudar de logataris expulsats. Ça que la, aquela decision es parallèla a l’expansion de Facebook al nòrd de l’estat de Califòrnia.
 
Segon lo jornal britanic The Guardian, las organizacions d’activistas, qu’èran fòrça criticas amb lo ròtle de Facebook dins l’aument de las inegalitats a Silicon Valley, an avalorat positivament aquela decision. Considèran qu'aqueles projèctes que finançarà la societat pòdon servir per far pression sus las autras entrepresas tecnologicas e per reduire la pauretat locala.