Bandièra01 1180x150: Comuna de Tolosa

Actualitats

Jean-Luc Mélenchon en favor d’un referendum en Catalonha e Aran

Ditz qu’es contra l’independéncia, mas crei que “lo pòble de Catalonha se deu poder exprimir”

| Place au peuple
Lo candidat a l’eleccion presidenciala francesa, Jean-Luc Mélenchon, es en favor d’un referendum independentista en Catalonha e Aran. Lo cap del movement nomenat  França Insomesa ditz qu’es contra l’independéncia, mas crei que “lo pòble de Catalonha se deu poder exprimir”, çò rapòrta Equinox Radio, una ràdio d’expression francesa qu’emet de Barcelona estant.
 
Lo pòrtavotz de Mélenchon, Djordje Kuzmanovic, precisèt dins aquela emission que lo programa electoral del candidat francoesquerrista compren tanben un referendum d’autodeterminacion per la Nòva Caledònia en 2018.
 
 
Enemic de las lengas autras que lo francés
 
Aquela anóncia es susprenenta, mai que mai, en vesent l’enemistat del candidat devèrs las lengas de l’estat autras que lo francés, mal nomenadas “regionalas”.
 
En genièr de 2014, Mélenchon mandèt una letra als deputats de l’Assemblada francesa per que votèsson contra la ratificacion de la Carta Europèa de las Lengas Regionalas o Minoritàrias.
 
Demest d’autres arguments, avertisssiá que la Carta podiá permetre de proceduras en lengas “regionalas” davant las autoritats judiciàrias, e un emplec d’aquelas lengas dins la vida publica en general, çò que per el seriá un vertadièr desastre. “De testimoniar, perseguir en justícia, signar de contractes dins una autra lenga que la francesa constituiriá una reculada per rapòrt a l’ordenança de Villers-Cotterêts que representèt una avançada fondamentala dins l’egalitat dels franceses davant la justícia e lo servici public”, çò disiá.
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

ltrobat
13.

#12 La cultura politica de Melenchon qu'ei gessida deu trotskisme lambertista qui ei opausat a la diversitat culturau e linguistica. E la soa campanha qu'amuisha un virolet de cap a un sobirainisme nacionau-republican (https://blogs.mediapart.fr/laurent-ripart/blog/200217/la-campagne-melenchon-un-projet-de-reorientation-populiste-de-la-gauche-francaise).
Donc ne vedi pas nada rason que cambie d'atituda per çò qui ei de la question de las lengas e culturas regionaus.
A un certa nivèu de coneria, n'i a pas gran causa a aténer, a despart d'un miracle. Mes entad aquò que's cau adreçar a Diu...

  • 1
  • 0
Lafontan
12.

Al mens JLM reconeis lo dret a l'autodeterminacion dels catalans del sud, es una evolucion de sa part ! Lo PS espanhol i es totjorn opausat el pren aqui la pausicion de Podemos. A despart d'aquela question catalana ei vist aqui de reaccions pas totjorn objectivas sus la posicion de JLM cap a las lengas de França que daissan pensar que seria un adversari total a n'aquelas lengas. Es pas vertat diguèt clarament qu'èra pas opausat a l'ensenhament d'aquelas lengas per ex amai ser per el deu passar per lo servici public e a ço que sabi las Calandretas serian pas contra d'èsser integradas al servici public. Pensi sustot que i a una manca de coneissença de sa part e qu'es capable d'evoluir. Son evolucion sus l'ecologia es franca e remirabla, amai lo Nicolas Hulot n'es espantat que diguèt que n'en sabia mai qu'el sus d'unes subjèctes ecologics...L'atituda occitanista de replec nos portarà res de bon, avèm de contunhar lo trabalh pedagogic d'informacion sus la realitat occitana mai que mai cap a l'esquèrra. L'istòria de las 30 darrèras annadas nos mostra qu'avèm ja pla avançat dins aquel poble d'esquèrra.

  • 0
  • 3
Kevin Roqueta Clarmont
11.

Mèfi aquel tipe es un nacionalista de los braves ! Amb la Le Pen foguèt pas convidat per los jusieus de Franca al repais annal a causa "d'incitation à la haine raciale". Pagarèm pas lo prètz del mesprètz !

  • 4
  • 1
Felip Martèl Montpelhier
10.

#8 E sa pausicion (chal un referendum, mas seria mielhs que lo non a l'independencia ganhesse) es la de Podemos, qu'es un de sos modèls politics. Aiço explica aquo.

  • 6
  • 0
Joan Thomàs
9.

Me soveni que per las eleccions europencas, la primièra frasa del papafard del Melenchon e de la Le Pen èran exactament la meteissa. Podètz verificar.

  • 6
  • 1

Escriu un comentari sus aqueste article