CAPÇALERA2: AMICS DE JORNALET

Jornalet, gaseta occitana d'informacions

Diluns, 23 d'abril

Actualitats

Dimècres, 31 de mai de 2017, 03h00 Espòrt

Rugbi de XIII: país d’Aude, tèrra benesida del XIII


Comentaris Cap de comentari    
Marrit Flac Bon Plan bon Fabulós
carregant En cargar


Rendètz-vos a Narbona dissabte 3 de junh per una granda jornada de finalas de XIII amb, a 17h45, l’oposicion Lesinhan-Limós pel bloquièr d’Elèit 1





Etiquetas
roch, rugbi, rugbi xiii, xiii

Narbona reçauprà aqueste dissabte 3 de junh las finalas dels campionats de XIII e, en particular, a 17h45 la granda finala d’Elèit 1 entre lo campion actual Limós e lo primièr de la fasa de classament: Lesinhan. E la Copa Lòrd-Derby es ja sus las laissas de l’AS Carcassona. Òc, lo País d’Aude es plan una tèrra benesida del XIII!
 
Mas lo país catalan e lo país tolosan prenon tanben de vam.
 
 
Elèit 1: Limós-Lesinhan en finala
 
Las doas mièjas finalas coneguèron de debanaments quasi similars.
 
Dissabte, a l’Agulha, Limós dominèt los Dragonets de St Estève-XIII catalan dins lo primièr temps per menar 26-12 a la pausa. Mas los catalans tornavan mai determinats sus la pelena e egalizavan a 34-34. Un ensag de lor segonda-linha Palavi, mai la transformacion e una penalitat menavan los limosencs sul camin de Narbona: 42-34.
 
Dimenge, al Molin, Lesinhan aviá retengudas las leiçons de la desfaita en finala de la Copa. Dintrèt a fum dins la partida e destabilizèt la defensa de Carcassona per marcar quatre ensages e menar 22-0. Un ensag sus la còrna tornava menar l’ASC a 22-6 a la pausa. Los Canaris marcavan dos còps a la represa e tornián a 22-18, mas una novèla pauma perduda permetiá als Verds e Blancs de refortir lor avantatge e acabar sus un 32-18, doas penalitats encapadas mai luènh.
 
Lesinhan e Limós se tornaràn trapar coma en 2011 a l’Egassieral. Fa 6 ans Lesinhan aviá ganhat 17-12 e, un còp de mai, partís amb las favors dels pronostics.
 
La partida se jogarà a 17h45 al tèrme d’una jornada de finalas.
 
Se venètz pas a Narbona, la poiretz seguir sus L’Equipe-21 o escotar en lenga nòstra sus Ràdio-Lenga d’Òc-Narbona.
 
 
Tolosa lo dalfin
 
Aquesta dimenjada, lo Championship organizava sa Dimenjada Magica (Summer bash) a Blackpool e lo Tolosa Olimpic jogava contra Halifax. Una partida que los occitans mestregèron d’un cap a l’autre per ganhar 32-22 e se posicionar en dalfins de Hull KR al classament. Dimenge, Tolosa tornarà en Anglatèrra per jogara Batley abans doas recepcions a Blanhac: Rochdale (dissabte 10 de junh, 18h30) e Londres (dissabte 17 de junh, 15h30).
 
 
La redempcion pels Dragons?
 
Divendres de ser, lo cambiament d’entraïnaire produsiguèt pas d’efièch positiu pels Dragons que tornèron de Salford amb la mala cargada de punts: 50-12.
 
Diluns de ser, los Sang e Aur tornavan trapar la pelena de Brutus e tanben Greg Bird, aprèp una partida de suspension. En fàcia, lor melhor enemic: Hull FC, promessa d’una partida nharruda. Los 8500 espectators foguèron pas deçauputs.
 
Lo pilar Sam Moa dobrissiá la marca, mas Hull replicava. Walsh encapava una penalitat e un tombat e los catalans menavan 9-6 a la pausa. 11-6 tre la represa aprèp una novèla penalitat del mièg de dobertura. Mas Romano pagava d’un carton jaune las decas d’indisciplina catalanas. A 13 contra 12, Hull marcava dos còps: 18-11. Un scenari tròp conegut? Non! Yaha sautava mai naut que los angleses sus un còp de pè de Walsh e marcava: 18-17. A 5 minutas de la fin, novèl còp de pè (aqueste còp: inversat!) de Walsh que trapava Gigòt a la recepcion entre los pals: 23-18 pels catalans. Un placatge desintegrador de Bird sul dobertura anglés a un mètre de la linha catalana: la pauma escapava de las mans del jogaire, mesclanha, còp de còrna! Los catalans tornan prene plaça dins los 8 primièrs de la competicion. Plaça de confirmar tre dimenge de vèspre a Widnes.
 
Los Dragons benefícian d’una novèla desfaita dels Lops de Warrington (12-38 contra Salford) per los passar al classament . Aqueste diluns, Widnes bat Leeds: 28-20; Wakefield ganha a Wigan: 42-30 e Castleford a Leigh: 38-0.
 
 
Australia: la partida de las partidas
 
En Austràlia, aqueste dimècres 31 de mai, plaça del costat de Brisbane a la primièra confrontacion entre Queensland e Nòvas Galas del Sud, la partida d’una importància màger per totes los australians, e mai la formacion de Queensland aja ganhat 10 còps sus 11 las darrièras edicions del triple afrontament annal.
 
 
 
 
Alan Roch

 


abonar los amics de Jornalet
 



publicitat



Comentaris


I a pas cap de comentari




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: IEO Label ÒC

Editorial

Finançar la premsa en occitan

La Federacion Interregionala dels Mèdias Occitans (FIMÒC), que Jornalet ne fa partida, farà la setmana que ven una assemblada d’urgéncia, a causa de la ...
giny

Lo temps

Mapa
  • sol Agen 23 11
  • sol Aush 23 11
  • nuvols Bordèu 23 9
  • sol Briançon 15 4
  • nuvols Caors 24 10
  • nuvols Carcassona 22 12
  • nuvols Clarmont-Ferrand 20 11
  • nuvols Confolent 21 11
  • sol Gap 24 10
  • nuvols La Canau 23 9
  • nuvols La Gàrdia 19 13
  • sol La Torre de Pèlitz 26 13
  • nuvols Limòtges 21 11
  • sol Lo Borg Sant Dalmatz 26 14
  • sol Lo Puèi de Velai 21 9
  • nuvols_parcials Marselha 24 14
  • sol Montpelhièr 20 16
  • sol Naut Aran 19 7
  • sol Niça 16 6
  • sol Nimes 24 15
  • sol Pau 22 12
  • nuvols Peireguers 22 11
  • sol Rodés 23 10
  • sol Tolon 23 14
  • sol Tolosa 24 13
  • sol Valença 22 11

giny

giny

giny

publicitat

lateral 2 teveoc

Entrevista

publicitat

LATERAL1 300X250: radio pais



publicitat

lateral 2 teveoc

Fotografias

  • Uvernada Lou Dalfin 2012. ©  Cristòl Daurore

    Uvernada Lou Dalfin 2012

  • Lo grand passacarrièra de Rodés. Occitan Pride 2013

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • Exposicion temporària sus Robèrt Lafont al CIRDOC (D.R.)

  • © Celèsta Toion

    La plaja espaci de libertat? D'expression?

  • Gavotina marítima: trofèu d'August e vila vielha d'A Torbia

  • Castelar

  • © Franc Bardòu

    Asuèlhs de Lauragués

  • Vaquí lo vilatge provençau alpin de l’ostau amb montanhas, glèisas, ostaus, santons,..., dei Aups de Nauta Provença amb la bandièra nostra!  © Quentin Willaume

    Concors de Nadal de Jornalet: Cossí se passan las Calendas en cò vòstre?

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • © Franc Bardòu

    Asuèlhs de Lauragués

  • Era còlha dera ADÒC ath trabalh

  • A Gavotina marítima: Recabruna Cab Martin, a vila vielha e o castèl dau sécolo X

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Franc Bardòu

    País Bordalés

  • © Zep Armentano

    Era Mongetada (Val d'Aran 28-29 d'octobre 2017)

  • Montar, fugir encara vers l'improbabla frescor

    Meissonencas en Camarga pichòta

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • Omenatge a Aragon. © Franc Bardòu

    Omenatge a Aragon

giny

Vidèos

Las mai...

publicitat

LATERAL2 300X250: MICROMECENATGE paums

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)