Actualitats
Un contrast global dels atemptats jihadistas dins lo Mond
VilaWeb rapòrta la lista dels 89 mòrts en atemptats jihadistas dins tot lo Mond dins los 4 primièrs jorns de junh
Lo mes de junh a començat tragicament, a respècte dels atemptats jihadistas, un fenomèn tragic de portada mondiala que se patís, mai que mai, en Africa e Asia. Per contra, es logic que per de rasons geopoliticas ajam fòrça mai presentas las victimas en Euròpa. Per aquela rason, VilaWeb a publicat un rapòrt de las atacas jihadistas dels quatre primièrs jorns de junh, amb la sola tòca de situar los faches dins lor contèxt.
Lo luòc i a agut mai de mòrts a causa de las atacas jihadistas, dins los quatre primièrs jorns de junh, es Afganistan. S’agís d’un país totjorn en guèrra que patiguèt un dels atemptats terroristas pus tragics. I aguèt un primièr atemptat amb una veitura explosiva a l’aeropòrt de Jalalabad e puèi, lo 3 de junh, un kamikaze s’immolèt en tuant un vintenat de personas. E l’endeman, dos policièrs radicalizats tuèron sièis collègas a Kandahar. Los talibans an revendicat l’ataca.
En Iraq, una bomba tuèt doas personas lo 1r de junh a Hit, dins la província d’Anbar. Pus tard, aquel meteis jorn, una ataca de l’autoproclamat Estat Islamic tuava 17 personas. L’endeman morissiá un soldat a Bagdad, fusilhat per un jihadista, e dissabte passat encara ne tuèron un autre a Abu Saida (Diyala).
Lo tresen país en nombre de victimas d’aquel rapòrt es Cameron. Quinze personas foguèron tuadas a Kolofata dins una ataca contra un campament de refugiats que fugisson la violéncia de Boko Haram.
La lista la seguís lo Reialme Unit, amb sèt mòrts dins lo recent atemptat que ven de patir Londres. De remarcar que l’ataca arriba en plena campanha electorala e qualques jorns après lo crusèl atemptat al Manchester Arena.
En cinquena posicion per quant al nombre de victimas i a Nigèr, ont sièis militars foguèron tuats per Al Qaeda de Magrèb durant una fusilhada a Tillaberi, lo primièr jorn del mes.
En Burkina Faso cinc personas moriguèron, dont tres de la meteissa familha pendent una fusilhada divendres dins la region de Soum. L’atemptat foguèt revendicat per Ansar ul Islam.
En Índia, tuèron dos soldats dissabte dins la província de Qazigund, en Cashmir. L’atemptat lo revendiquèt Hizb ul Mijahideen.
E dissabte, una explosion tuèt dos soldats en Argeria a Tébessa.
Lo 1r de junh, una veitura explosiva en Arabia Saudita tuèt doas personas a Ad Al Qatif just abans una pregària. Lo crime foguèt revendicat per l’organizacion shiita Hezbollah Al Hejaz.
Enfin, en Tunisia, un pastor apelat Khelifa Soltani foguèt trobat mòrt dissabte après èsser raubat per l’autoproclamat Estat Islamic.
VilaWeb. Mòrts en atemptat. Junh 2017 (jorns 1 a 4)
Lo luòc i a agut mai de mòrts a causa de las atacas jihadistas, dins los quatre primièrs jorns de junh, es Afganistan. S’agís d’un país totjorn en guèrra que patiguèt un dels atemptats terroristas pus tragics. I aguèt un primièr atemptat amb una veitura explosiva a l’aeropòrt de Jalalabad e puèi, lo 3 de junh, un kamikaze s’immolèt en tuant un vintenat de personas. E l’endeman, dos policièrs radicalizats tuèron sièis collègas a Kandahar. Los talibans an revendicat l’ataca.
En Iraq, una bomba tuèt doas personas lo 1r de junh a Hit, dins la província d’Anbar. Pus tard, aquel meteis jorn, una ataca de l’autoproclamat Estat Islamic tuava 17 personas. L’endeman morissiá un soldat a Bagdad, fusilhat per un jihadista, e dissabte passat encara ne tuèron un autre a Abu Saida (Diyala).
Lo tresen país en nombre de victimas d’aquel rapòrt es Cameron. Quinze personas foguèron tuadas a Kolofata dins una ataca contra un campament de refugiats que fugisson la violéncia de Boko Haram.
La lista la seguís lo Reialme Unit, amb sèt mòrts dins lo recent atemptat que ven de patir Londres. De remarcar que l’ataca arriba en plena campanha electorala e qualques jorns après lo crusèl atemptat al Manchester Arena.
En cinquena posicion per quant al nombre de victimas i a Nigèr, ont sièis militars foguèron tuats per Al Qaeda de Magrèb durant una fusilhada a Tillaberi, lo primièr jorn del mes.
En Burkina Faso cinc personas moriguèron, dont tres de la meteissa familha pendent una fusilhada divendres dins la region de Soum. L’atemptat foguèt revendicat per Ansar ul Islam.
En Índia, tuèron dos soldats dissabte dins la província de Qazigund, en Cashmir. L’atemptat lo revendiquèt Hizb ul Mijahideen.
E dissabte, una explosion tuèt dos soldats en Argeria a Tébessa.
Lo 1r de junh, una veitura explosiva en Arabia Saudita tuèt doas personas a Ad Al Qatif just abans una pregària. Lo crime foguèt revendicat per l’organizacion shiita Hezbollah Al Hejaz.
Enfin, en Tunisia, un pastor apelat Khelifa Soltani foguèt trobat mòrt dissabte après èsser raubat per l’autoproclamat Estat Islamic.
VilaWeb. Mòrts en atemptat. Junh 2017 (jorns 1 a 4)
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Pareis mentida qu' hagi hagut tants d'atemptats aquests dias. Encara pus motius per acabar amb aquests de l'EI.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari