La NASA publiquèt fa qualques jorns los primièrs imatges de la sonda Juno qu’es a virar sus l’orbita de Jupitèr. Cap d’esplech creat per l’òme s’èra pas jamai sarrat aitant de la planeta giganta. Sus las fotografias se pòt veire las poscas de la planeta e las multiplas tempèstas que i an luòc. De desenats de ciclòns blavoses ajustan al panorama un ton gaireben fantastic.
 
Ara l’artista e dessenhaire grafic Séan Doran a recreat l’apròchi de Juno devèrs Jupitèr. En emplegant d’imatges de la NASA, lo trabalh de Doran balha a l’espectator l’impression d’èsser dins Juno al bòrd de l’atmosfèra de la planeta. Atal se pòt gaudir dels elements pus espectacloses de las fotografias de la NASA amb totes los detalhs.