Actualitats
Un tribunal dels Païses Basses jutjarà l’abatatge de l’avion MH17 de Malaysia Airlines
L’avion foguèt abatut en julhet de 2014 quand subrevolava Ucraïna, en tuant 298 personas
Los païses que compausan la còla d’enquèsta conjoncha (Austràlia, Belgica, Malàisia, Païses Basses e Ucraïna) an decidit que sián los tribunals nerlandeses que tractaràn los suspèctes d’aver abatut l’avion del vòl MH17 de Malaysia Airlines. Aqueste tuèt 298 personas en julhet del 2014, segon çò qu’anoncièt dimècres passat lo Ministèri dels Afars Exteriors dels Païses Basses. S’agirà d’“un procès que se basarà sus la cooperacion e lo sosten internacional actual”, çò ditz lo comunicat d’aquel ministèri.
La decision compòrta que la còla d’enquèsta contunhe lo procès judiciari e, “gràcias a l’acòrdi de l’MH17 signat amb Ucraïna”, “totas las victimas” pòscan èsser representadas en aquel procès. “Aquò es important, car las victimas provenon de 17 païses en cinc continents”.
La decision dels païses de la còla d’enquèsta conjoncha arriba après que las temptativas d’establir un tribunal internacional qu’examinèsse l’abatatge de l’avion capitèron mal en causa del blocatge de Russia en 2015.
Dins son comunicat, lo Ministèri dels Afars Exteriors neerlandés a recordat que lo Conselh de Seguretat de l’ÒNU sollicitèt una enquèsta prigonda sus l’abatatge de l’avion e que se’n menèsse los responsables davant la justícia. “E per ara s’es atench de resultats importants, coma lo rapòrt del Conselh de Seguretat dels Païses Basses e las conclusions presentadas per la còla d’enquèsta conjoncha en setembre de 2016”, çò a afirmat lo ministre dels afars exteriors neerlandés, Bert Koenders.
Lo govèrn dels Païses Basses remembra tanben que sas prioritats après los faches foguèron lo repatriament e l’identificacion de las victimas. “Vesèm encara una granda quantitat de desinformacion e d’assages per descreditar l‘enquèsta”.
La decision compòrta que la còla d’enquèsta contunhe lo procès judiciari e, “gràcias a l’acòrdi de l’MH17 signat amb Ucraïna”, “totas las victimas” pòscan èsser representadas en aquel procès. “Aquò es important, car las victimas provenon de 17 païses en cinc continents”.
La decision dels païses de la còla d’enquèsta conjoncha arriba après que las temptativas d’establir un tribunal internacional qu’examinèsse l’abatatge de l’avion capitèron mal en causa del blocatge de Russia en 2015.
Dins son comunicat, lo Ministèri dels Afars Exteriors neerlandés a recordat que lo Conselh de Seguretat de l’ÒNU sollicitèt una enquèsta prigonda sus l’abatatge de l’avion e que se’n menèsse los responsables davant la justícia. “E per ara s’es atench de resultats importants, coma lo rapòrt del Conselh de Seguretat dels Païses Basses e las conclusions presentadas per la còla d’enquèsta conjoncha en setembre de 2016”, çò a afirmat lo ministre dels afars exteriors neerlandés, Bert Koenders.
Lo govèrn dels Païses Basses remembra tanben que sas prioritats après los faches foguèron lo repatriament e l’identificacion de las victimas. “Vesèm encara una granda quantitat de desinformacion e d’assages per descreditar l‘enquèsta”.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Foren los nazis del govern golpista d'Ucraïna,que li arriaren un míssil.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari