Bandièra01 1180x150: Comuna de Tolosa

Actualitats

Los govèrns shiitas d’Iraq e d’Iran contra lo referendum en Curdistan

La situacion pot venir de mai en mai complicada se qualqu’un ensaja una accion armada contra los curds, qu'an a l'ora d'ara la capacitat militara per se defendre

Mesûd Barzanî a convocat un referendum ’independéncia del Curdistan meridion  pel 25 de setembre que ven
Mesûd Barzanî a convocat un referendum ’independéncia del Curdistan meridion pel 25 de setembre que ven
Los estats iraquian e iranian s’opausan fermament al referendum d’independéncia del Curdistan Meridional, convocat pel 25 de setembre que ven.
 
Lo primièr ministre de la region autonòma del Curdistan Meridional, Nêçîrvan Îdrîs Barzanî, a declarat qu'èra lèst per resòlver las diferéncias amb lo govèrn federal a Bagdad “a travèrs del dialòg e la compreneson mutuala”. Una posicion que la defend malgrat l'oposicion dels govèrns shiitas, çò rapòrta Gepolítica.cat.
 
Mas l’Aliança Nacionala Iraquiana, un partit religiós shiita representat al parlament a Bagdad e dirigit per Ammar Al Hakim, a declarat, durant una reünion de son movement, son oposicion a la consulta sus l’independéncia de la region autonòma del Curdistan iraquian, e defend l’unitat d’Iraq.
 
 
Iran tanben es contra
 
Sus aquel tèma del referendum son vejaire lo mostrèt tanben lo cap suprèm iranian, l’aiatollà Seyyed Ali Khamenei, pendent una reünion amb son primièr ministre, Haider Al Abadi, realizada lo 20 de junh passat. Aquí manifestèt son ostilitat al referendum per l'independéncia la de region autonòma del Curdistan iraquian programat pel 25 de setembre. “La Republica Islamica d’Iran es un vesin d’Iraq e considèra que los qu'an fach aquela proposicion son d’opausants a la sobeiranetat e l'identitat del país”, çò diguèt  Khamenei.
 
 
Demandan la mediacion del Reialme Unit
 
Dins de declaracions fachas lo 17 de julhet passat, durant una reünion amb lo nòu cònsol general del Reialme Unit per la region autonòma del Curdistan iraquian, Martyn Warr, Barzanî soslinhèt la disponibilitat de son govèrn a resòlver los problèmas amb Bagdad a travèrs del dialòg, en metent l’accent sul ròtle determinant del Reialme Unit. Dins aquel sens expliquèt al diplomata britanic la situacion de la region, mai que mai après la liberacion de Mossol. Barzanî parlèt tanben amb Warr sus las importantas oportunitats economicas qu'ofrís Curdistan, en convidant las entrepresas britanicas a entamenar una campanha d’investiments dins la region.
 
 
Defendre çò qu’an ganhat en luchan contra l’EI
 
La situacion pot venir de mai en mai complicada se qualqu’un ensaja una accion armada contra los curds, qu'an a l'ora d'ara la capacitat militara per defendre çò qu’an ganhat sul prat batalhièr contra los terroristas de l’autoproclamat Estat Islamic.



abonar los amics de Jornalet
 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
6.

Els kurds tenen tot el dret a ésser lliures, i ningú els el pot negar, això fa pudor de Turquia, però vols dir que passa això?
Visca la Terra...Lliure!
L'Ernest, "El Tàrrega".

  • 0
  • 0
francesc Palma
5.

Coma los terroristas poden estar a favor d'una consulta democràtica. Jamai.

  • 3
  • 0
nom
4.

#3 Non pas ! partagi pas ton punt de vista d'aqui que estat o etnia ne i a totjorn un per anar ençò dels autres.
99% dels problèmas a l'ora d'ara an per basa de chicalhas d'etnias o de religion amb un estat o sens estat.. Cadun son biais de viure e se suportan pas d'aqui estant que lo biais de viure d'un es contrari , vèire una insulta, al biais de viure de l'autre.

  • 3
  • 1
Enric Mala Tèsta
3.

#2 Lo problèma es pas jamai estat lo multi-etnisme, mas l'estat, la quita nocion d'estat. Un estat se fot cap e tot del(s) pòble(s) que lo constituïs(son), en França o en Iran, en Turquia o en Siria, sempre es lo meteis problèma. D'estat, n'avèm pas cap besonh. Nos devèm gobernar : la saba de tota politica es lo pòble : lo pòble, definit per sa lenga, se deu gobernar el-meteis, sense estat. l'Estat es pas qu'una bòta per esclafar los pòbles d'un còp pè, al solet profièit (tot relatiu) del mai fòrt del moment…

  • 3
  • 0
nom
2.

Segurament que d'unas realitats son escafadas per tota la premsa (jornalet comprés)
Aqui çai-jos un ligam per melhor comprener las problematicas de l'Iran

https://www.diploweb.com/Iran-La-question-ethnique-un-enjeu.html

Es la meteissa causa per Sirià, Irak
sem dins de caireforcs ont nasqueron d'empèris multi etnics e multi religiós ara n'avetz la resulta....

  • 1
  • 0

Escriu un comentari sus aqueste article