Bandièra01 capçalera  1180x150: Novestivada

Actualitats

crotz-tolosaCreated with Sketch.ProvençaProvençaPaís d'Ais

Cedric Herrou condemnat en apèl a quatre meses de preson

En intrant dins la sala, Herrou aviá proclamat qu’“es lo ròtle d’un ciutadan en democracia d’agir quand i a un defalhiment de l’estat”

Après èsser condemnat en primièra instància a una multa de 3000 èuros amb sosta en genièr passat, ara la justícia l’a condemnat a 4 meses de preson amb sosta, per aver portat secors a de migrants e refugiats, com tantes autres roiasques de l’associacion Ròia Ciutadana.
 
Ièr dimars de matin, la Cort d’Apelacion d'Ais de Provença diguèt a Herrou sa senténcia. La justícia reconeguèt l’agricultor solidari colpable d’“ajuda a l’immigracion clandestina”. En intrant dins la sala, Herrou aviá proclamat qu’“es lo ròtle d’un ciutadan en democracia d’agir quand i a un defalhiment de l’estat”.

 


 



Refusan d’abandonar los migrants, sovent afamats e perduts
 
En agost de 2015, l’estat francés decidiguèt de barrar la frontièra a Ventemilha pels migrants e refugiats. A partir d’aquel moment la Val de Ròia venguèt lo nòu ponch de passatge, ont es frequent de i trobar de desenas de migrants se pèrdre sus las estradas e los camins de montanha. Espontanèament, d’abitants roiasques los venon ajudar. Son organizats al sen de l’associacion Ròia Ciutadana, e refusan d’abandonar los migrants, sovent afamats e perduts.
 
Demest aqueles roiasques solidaris se tròba Cédric Herrou, un agricultor de 37 ans d’origina niçarda, qu’es conegut per aver albergat en cò sieu plusors centenats de migrants. Es ja estat detengut cinc còps en gàrdia a vista e jutjat per aver portat secors a de migrants e refugiats. Mentretant, Herrou e l’associacion Ròia Ciutadana demandan “la legalitat per portar assisténcia”.
 
 
Un afar mediatizat
 
Ara l’afar es talament mediatizat, mai que mai a l’estrange ont quitament lo New York Times i consagra un bèl reportatge.
 
La mediatizacion del dorsièr aviá butat lo president del conselh departamental, Eric Ciotti, a publicar d’articles contra Herrou, e mai se los mèdias donèron a l’activista roiasc lo drech de replicar.
 
 
De reconduchas illegalas de menors isolats a la frontièra
 
La cinquena detencion de Cédric Herrou arribava lo 6 de julhet passat, just l’endeman d’aver publicat sus Internet un vidèo de gaireben 12 minutas que denonciava de practicas illegalas de las autoritats francesas amb los immigrants refugiats menors. Lo vidèo, entitolat Anar-Retorn, es estat fach amb camèra amagada per la còla de Ròia Solidària a la gara mentonasca de Garavan e mòstra e denóncia de “reconduchas illegalas de menors isolats a la frontièra” ansin coma un “centre de retencion illegal” al primièr estatge de la petita estacion ferroviària de Menton.
 

 
 


abonar los amics de Jornalet
 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Enric Mala Tèsta
2.

#1 Vòlon manténer tot benestar d'un costat, e tota misèria de l'autre. Mas de misèria, degun ne vòl pas. Al mond de l'inegalitat materiala, i a doás solucions : compartir o s'entretuar, simbolicament o a de bon.

  • 6
  • 0
francesc palma
1.

USA ,e l'UE que van darrera reculhint la merda. Fan guerras a Siria, a Libia, Iugoslàvia, l'Irac,... bombardejant la poblacion civila, aleshores la gent ha de partir.

  • 3
  • 0

Escriu un comentari sus aqueste article