Bandièra01 1180x150: Comuna de Tolosa

Actualitats

Decès de Liliane Bettencourt, la femna mai rica del Mond

Eiretièra de l’empèri cosmetic L’Oréal, la revista Forbes l’aviá plaçada a la 14a posicion de las personas pus ricas del Mond, darrièr tretze òmes

Liliane Bettencourt, considerada coma la femna pus rica del Mond, moriguèt dijòus passat als 94 ans. Eiretièra de l’empèri cosmetic L’Oréal, la revista Forbes l’aviá plaçada a la 14a posicion de las personas pus ricas del Mond, darrièr tretze òmes.
 
Sa filha, Françoise Bettencourt Meyer, anoncièt sa mòrt en tot profechar de l’ocasion per exprimir sa “fidelitat” familiala a L’Oréal e sa fisança en l’actual president de la societat, Jean Paul Agon, e totes los directors de totas las delegacions mondialas.
 
Nascuda a París lo 21 d’octòbre de 1922, èra filha de l’entrepreneire Eugène Schueller, lo creator d’una pichona entrepresa de tenchas capillaras que devendriá l’empèri cosmetic L’Oréal. Als 27 ans se maridèt amb André Bettencourt, un òme qu’abans la Segonda Guèrra Mondiala aviá simpatizat amb l’ultradrecha antisemita e que durant l’ocupacion alemanda jonguèt la resisténcia amb François Mitterrand, amb lo qual èra amic d’enfança.
 
Liliane Bettencourt aviá fach l’actualitat dins las darrièras annadas per sa deterioracion cognitiva e los procèsses judiciaris que s’èran entamenats a causa de presumits abuses de feblesa que se serián poguts cometre en profechar de son estat de santat.
 
 
Sarkozy
 
En 2013 la justícia francesa metèt en examen l’èx-president francés Nicolas Sarkozy justament per abús de feblesa de Liliane Bettencourt. Segon çò que se faguèt venir public en 2011, Bettencourt aviá una deméncia mixta e una malautiá d’Alzheimer dins un estat moderadament sevèr. L’investigacion judiciària cercava alavetz d’esclarzir se Sarkozy profechèt de l’estat de la milionària e abusèt de sa fisança per li traire d’argent destinat a finançar la campanha que lo menèt a l’Elisi en 2007.
 
Lo cas se descobriguèt per azard dins una enquèsta parallèla tocant una disputa familiala que la filha de Bettencourt, Françoise Meyers, portèt davant la justícia.

 
 
 




abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
6.

Tan de diners e al cap e a la fin, se n'en pot portar cap a l'altra mond ? Paura velheta !

  • 1
  • 0
Mèfi! 31
5.

Se l'emportarà pas dins l'autre monde...

  • 2
  • 0
N. Eynaud Lo Martegue
4.

#3 Non, aquò èra solament una pensada per la classa politica francesa que pensa a sa benfaitritz dispareguda.

  • 5
  • 0
In Greed, bête en cours
3.

#2 Relevat d'Identitat Bancari : i esperatz un virament sul compte vòstre ?

  • 3
  • 0
N. Eynaud Lo Martegue
2.

RIB

  • 2
  • 0

Escriu un comentari sus aqueste article