CAPÇALERA2: AMICS DE JORNALET

Jornalet, gaseta occitana d'informacions

Dimars, 17 d'octòbre

Actualitats

Dimars, 10 d'octòbre de 2017, 03h00 Politica,Internacional

L'independéncia de Catalonha e Aran se poiriá declarar uèi

Lo Partit Popular menaça Puigdemont: “Qui declare l'independéncia pòt finir coma Companys en 1934”


Comentaris 13 comentaris    
Marrit Flac Bon Plan bon Fabulós (6 vòtes)
carregant En cargar


Es previst que lo president de la Generalitat de Catalonha, Carles Puigdemont , demande al parlament qu’aplique lo resultat del referendum del 1r d’octòbre passat e proclame l’independéncia
© Generalitat de Catalunya





Etiquetas
catalonha, catalonha e aran, espanha, independéncia, puigdemont

Lo president de la Generalitat de Catalonha, Carles Puigdemont, compareisserà uèi a 18h davant los deputats catalans per “parlar de la situacion politica actuala”. Es previst que, pendent aquela sesilha, lo president demande al parlament qu’aplique lo resultat del referendum del 1r d’octòbre passat e proclame l’independéncia.
 
La societat civila es lèsta per manifestar e seguís l’actualitat, mai que mai suls rets socials amb l’etiqueta #10ODeclaració, del temps que lo govèrn espanhòl e los partits espanholistas fan de menaças grèvas dont qualques unas passan l’òsca.
 
 
Las menaças del Partit Popular
 
Davant aquela possibilitat, la reaccion espanholista foguèt ièr fòrça energica. La vicepresidenta del govèrn espanhòl, Soraya Sáenz de Santamaría, diguèt que “la declaracion d’independéncia aurà pas cap d’efièch” e que se Puigdemont la declara, lo govèrn espanhòl “prendrà de mesuras”.
 
Mai luènh anèt lo vicesecretari de comunicacion del Partit Popular, Pablo Casado, que comparèt la declaracion d’independéncia d’uèi amb la que se tenguèt fa 83 ans. “L’istòria se deu pas repetir”, çò diguèt en afirmant que “qui declare l'independéncia pòt finir coma Companys en 1934”.
 
L’èx-president de la Generalitat, Lluís Companys, foguèt mes en preson après declarar l’independéncia en 1934. Sièis ans pus tard seriá fusilhat al castèl de Montjuïc per òrdre de Franco. Dimenge que ven, 15 d’octòbre, se complirà los 77 ans de son execucion.
 
 
Non al dialòg
 
Casado refusèt lo dialòg amb l’executiu catalan qu’el apelèt “los putschistas de la Catalonha del sègle XXI”, e afirmèt qu’Espanha acceptariá pas cap de dialòg, car “es pas Sodan ni Iogoslavia”.
 


 
 
Lo Comitat de las Regions avertís Espanha
 
Lo president del Comitat de Regions de l'Union Europèa, Karl-Heinz Lambertz, mandèt ier un messatge net e clar al govèrn espanhòl, en alertant que lo conficte amb Catalonha se podiá pas resòlver sonque amb las leis e l’usatge de la fòrça. Lambertz diguèt pendent una conferéncia de premsa que “cal comprene las raices istoricas d’aquela mena de questions per saber çò que se passa. Los problèmas d’aquela sòrta se pòdon pas resòlvre amb la fòrça, que siá militara o policièra. Çò que cal, abans tot, es lo dialòg; se sèire a l'entorn d’una taula e ensajar d’avançar devèrs un acòrdi”.
 
 
Sesilha extraordinària al Conselh de l’Euròpa
 
De son costat, lo Conselh de l’Euròpa farà dijòus venent una sesilha extraordinària sus la question de Catalonha e Aran. Aquela organizacion de 47 païses a pas res a veire amb l’Union Europèa e sa tòca es de defendre los dreches umans, las democracias parlamentàrias e l’identitat europèa.
 
 
Non-reconeissença de França
 
França reconeisserà pas la declaracion d’independéncia. Ansin o diguèt la secretària d’estat dels afars europèus, Nathalie Loiseau. “Se i a una declaracion d’independéncia, serà unilaterala e serà pas reconeguda. Aquò supausariá automaticament la sortida de l’Union Europèa”, çò assolidèt Loiseau a CNews.

 


abonar los amics de Jornalet
 



publicitat



Comentaris

12 d'octòbre 22.48h

Comenem la negociacion: 1er.-Reconeissement de la Nacion Catalana. Mariano: la constitucion parla de la nacion espanhola. Generalitat: La Nacion de Catalunha es la Nacion Catalana, la nacion castelhano espanhola es la dels territoris de l'antiga Corona de Castella.
D'acord.
Passem al Punt 2on: Lo Concert Econòmic: la Generalitat replegarà los imposts e donarà un tant a Madrid no superior al 10%. Mariano: del 30%. Generalitat: del 15%. Mariano: Ja veirem ?
D'acord.
3er Punt: La lenga ca... Legir mai


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

11 d'octòbre 05.39h

#4 Avètz rason. De mai, cossí Castilha daissariá anar Catalonha quand vòl pas tornar Ceuta e Melilla al Marròc! E apuèi se plòran perque Gibraltar contunha de lor escapar. Arganhòls, vai!


Valoriza aqueste comentari:   votar positiu 10   votar negatiu 0
Respondre comentari replica Comentari inadeqüat   Formulari d'abús de comentari

10 d'octòbre 22.30h

Lo President de Catalonha es fin estratègue, que buta lo govern espanhòl a la fauta, qu'a al mens tres còps d'avança...
La situacion es un potsch demoniac...


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

10 d'octòbre 19.11h

#7 Oksitanlaştıramadıklardanmısınız
Te carcanhessas pas ! L’occitanisme de las annadas 60 es vodat a se morir, fan 20 ans que pequenetja. Aquò es pas una razon per fa servir la difamacion.
Per çò que vos interessa los discors de Carles Puigdemont es retardat d’una ora…. Deu calfar dins las reires foganhas.
Alavetz farà répè, o anirà devèrs l’independencia…. ?
Se fa répè, es una desfacha e tot biais las causas son plan malaisidament reparables e ren non sarà coma aba... Legir mai


Valoriza aqueste comentari:   votar positiu 1   votar negatiu 15
Respondre comentari replica Comentari inadeqüat   Formulari d'abús de comentari

10 d'octòbre 18.39h

#8
Això significaria que nosaltres, a la Catalunya Nord, ens oprimeixen? O belleu que ja tenim prou ensenyament en català per demanar pas res més? Què podríem demanar, fins i tot? Ja o tenim tot!!!


Valoriza aqueste comentari:   votar positiu 12   votar negatiu 0
Respondre comentari replica Comentari inadeqüat   Formulari d'abús de comentari

10 d'octòbre 18.14h

Declaracion dau president Macron, uèi, despuei l'Alemanha (non, es pax exiliat...): per eu, lo pòble catalan se pòu pas dire oprimit, vist que Madrid li permete l'ensenhament dau catalan dins leis escòlas! E aponde: "Vesi pas çò que pòdon demandar de mai!".
Lo bonjorn ais amics de Corsega qu'espèron una modificacion d'estatut!


Valoriza aqueste comentari:   votar positiu 12   votar negatiu 0
Respondre comentari replica Comentari inadeqüat   Formulari d'abús de comentari

10 d'octòbre 15.43h

#6 #5 Tè, la torna de l'Erdogan pichon, aquel grand colèga dels Curdas, sustot quand son morts, fasia temps !!! Repapias encara Oksitanlaştıramadıklardanmısınız ?


Valoriza aqueste comentari:   votar positiu 14   votar negatiu 0
Respondre comentari replica Comentari inadeqüat   Formulari d'abús de comentari

10 d'octòbre 13.45h

Lo contengut d'aqueste comentari es amagat perque los legeires l'an considerat inapropriat
Mòstra-lo


Valoriza aqueste comentari:   votar positiu 1   votar negatiu 25
Respondre comentari replica Comentari inadeqüat   Formulari d'abús de comentari

10 d'octòbre 13.38h

#4 De tot biais veirèm ben...


Valoriza aqueste comentari:   votar positiu 1   votar negatiu 16
Respondre comentari replica Comentari inadeqüat   Formulari d'abús de comentari

10 d'octòbre 13.20h

#3 Qualques recòrds basics

1- Per utilizacion de l'armada "Gàrdia Civil" contra sa pròpria populacion, es un cas de sortida d'Espanha de l'UE cf. L’article 7 del Tractat de l’Union Europèa permet de suspendre los dreches d’un estat membre se l’Union considèra que menaça los dreches e las valors democraticas.

2- Pablo Casado, eminent del Partido Popular Espanhòl, a amenaçat de mòrt Puigdemont (= acabar coma Companys...)

3- Un país coma Espanha, ancian colonizator, a jamai l... Legir mai


Valoriza aqueste comentari:   votar positiu 9   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat

Editorial

La mongetada d’Aran

Aran es un país occitan que s’es anat destacant de la rèsta del país dins la mesura que la lenga e la cultura occitanas èran a recular, mai que mai de l’autre costat ...
giny

Lo temps

Mapa
  • nuvols Agen 27 14
  • nuvols Aush 27 13
  • sol Bordèu 26 15
  • sol Briançon 19 2
  • sol Caors 25 13
  • nuvols Carcassona 24 11
  • sol Clarmont-Ferrand 24 11
  • sol Confolent 22 13
  • sol Gap 23 6
  • sol La Canau 26 15
  • sol La Gàrdia 22 12
  • sol La Torre de Pèlitz 23 11
  • sol Limòtges 22 13
  • sol Lo Borg Sant Dalmatz 24 10
  • sol Lo Puèi de Velai 19 9
  • sol Marselha 23 13
  • nuvols Montpelhièr 20 17
  • sol Naut Aran 24 11
  • sol Niça 16 4
  • sol Nimes 23 14
  • sol Pau 27 14
  • sol Peireguers 23 13
  • sol Rodés 23 13
  • sol Tolon 23 11
  • nuvols Tolosa 24 15
  • sol Valença 20 11

giny

giny

Entrevista

publicitat

LATERAL1 300X250: radio pais



publicitat

LATERAL2 330x60: Casteth Paums

Fotografias

  • © Franc Bardòu

    País Bordalés

  • L’envòl tauromachic

    Pantais (Poèmas de Lisa Gròs sus pinturas de Christine Nicolas)

  • Carnaval independent de Niça. © Centre Cultural Occitan País Niçard e Alpenc

    Carnaval independent de Niça

  • © Laurenç Revèst

    Lengue a Mentan

  • Valadas. © Xavi Gutiérrez Riu

    Valadas

  • Pausa de la senhaletica en occitan a l'estadi de la Mediterranèa a Besièrs

  • Còth deth Tormalet, 18/07/2012

  • © Asalaís Moniguet

    Montpelhièr la lengadociana

  • La Primada de Montsegur 2013. © Bruno Sapena

    La Primada de Montsegur 2013

  • © Franc Bardòu

    Asuèlhs de Lauragués

  • Estacion de trens de Limós (Rasés) - Senhalizacion en occitan. © Terric Lausa

    Estacion de trens de Limós (Rasés) - Senhalizacion en occitan

  • © Chau Viva

    Qualques salas de classa d'occitan en collègi

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Laurenç Revèst

    Menton, 'a vivaroalpenca maritima

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • A Monument Valey. © Severina Granet

    Concors d'estiu 2012: La fotografia de las vacanças

  • Castelar

  • Estivada 2013. © Guillem Sevilla

    Estivada 2013

  • Fèsta dal Dalfin al Borg. © Cristòu Daurore

    Fèsta dal Dalfin al Borg Sant Dalmatz

  • 20u corsa Aran per sa Lengua. © Guillem Sevilla

    20u corsa Aran per sa Lengua

giny

Vidèos

Las mai...

publicitat

LATERAL1 300X250: radio pais

giny

Sondatge

Participaràs a Era Mongetada d’Aran?


6%



2%



66%



26%




Vots 47 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)