Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

De juristas an presentat lo rapòrt juridic sul drech d'autodeterminacion d'Aran

Lo Conselh General d’Aran los aviá encargats d’aquel rapòrt per esclarzir çò que significa en tèrmes juridics lo drech de decidir del pòble aranés reconegut pel Parlament de Catalonha

| Conselh Generau d'Aran
Lo Conselh General d’Aran presentèt divendres passat lo rapòrt juridic sul drech de decidir de la Val d’Aran. Lo rapòrt sus aquel drech, reconegut dins la Lei d’Aran de 2015, l’an redigit los juristas de l’Universitat de Barcelona Alfredo Galán e Eduard Roig a la demanda del govèrn de la Val. Pendent la presentacion aquestes soslinhèron qu’èra lo primièr còp qu’un tèxt normatiu reconeissiá especificament aquel drech d’autodeterminacion d’un territòri. Totun, Galán precisèt qu’aquel drech se limitava al territòri de la Comunautat Autonòma de Catalonha car es lo Parlament de Catalonha que l’a reconegut.
 
Dins aquel sens e dins l’encastre juridic actual, en cas d’independéncia de Catalonha, la Val d’Aran deuriá començar un procès nòu per definir quina sòrta de relacion politica e juridica vòl téner dins aquela nòva republica.
 
De son latz, lo sindic d’Aran, Carlos Barrera, expliquèt que lo Conselh General d’Aran aviá encargats d’aquel rapòrt los juristas per esclarzir çò que significava en tèrmes juridics lo drech de decidir del pòble aranés, en tot precisar qu’es solament en vigor dins l’encastre territorial e administratiu del Parlament de Catalonha. Dins aquel sens, expliquèt que lo govèrn aranés aviá encargats los juristas d’un autre rapòrt per veire se las institucions e l’autogovèrn d’Aran poirián èsser reconeguts dins tot l’encastre de l’estat espanhòl, en cas d’una eventuala revision o reforma de la Constitucion espanhòla.
 
 

 
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Joan Francés Blanc Estrasborg
1.

Vederam si Aran ei capable de venir aute causa que lo torracodena d'Espanha. ;)

  • 4
  • 0

Escriu un comentari sus aqueste article