CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dissabte, 21 de setembre

Actualitats

Divendres, 9 de febrièr de 2018, 03h00 Politica,Societat

Gasconha > Val d'Aran > Quate Lòcs

Mireia Boya deu barrar son pichon jaç rural a causa de menaças

En seguida de la publicacion d’OK Diario, l’èx-deputada occitana recep de menaças que dison que i intraràn e cremaràn lo lotjament


Comentaris 3 comentaris    
Marrit Flac Bon Plan bon Fabulós (5 vòtes)
carregant En cargar


Lo pichon jaç rural Bòrda Guilhaumuc de Les (Quate Lòcs) es barrat. Sos proprietaris, Mireia Boya e son fraire, Jusèp Boya l’an degut clavar a causa de las menaças.
 
Segon Aué TV, Mireia Boya a decidit de barrar lo sit après aver recebut mai d’una menaça pendent los darrièrs meses. Boya presentèt una denóncia al tribunal de Vielha contra lo director d’OK Diario, Eduardo Inda, en l’acusant de grèus damatges personals en seguida d’una publicacion falsa dins son mèdia.
 
Boya assegura que dempuèi la publicacion d’OK Diario, recep de menaças que dison que i intraràn e cremaràn lo lotjament. Las menaças son tanben arribadas a divèrses portals d’Internet que prepausan l’establiment.
 
En mai d’aquò, Mireia Boya es cridada davant lo 14 de febrièr venent a far una deposicion davant lo Tribunal Suprèm espanhòl a Madrid. Risca d’èsser empresonada. Ela serà la primièra persona occitana menada davant la justícia espanhòla per “rebellion” pr’amor del referendum sus l’independéncia de Catalonha e Aran que se tenguèt lo 1r d’octòbre passat.
 

 
 
Guèrra bruta de l’espanholisme contra Boya
 
Lo jornal OK diario publicava, lo 28 de julhet passat, que Mireia Boya amagava dins sa declaracion de patrimòni que possedís un jaç rural en Aran, ne disiá la valor aproximativa e descriviá amb tota mena de detalhs lo sit per que semblèsse quicòm d’extraordinari. En mai d’aquò, explicava que Mireia e son fraire Jusèp recebèron l’afar coma una donacion de lor maire, l’èx-sindica d’Aran Pilar Busquet, defuntada en novembre de 2016. La nòva publicada per OK Diario s’espandiguèt lèu-lèu a d’autres mèdias espanholistas e ultradrechistas, qu’apelèron a boicotar l’establiment en esprimissent de menaças pro grèvas.
 
Los fraire e sòrre Boya son los eiretièrs de la Bòrda Gilhamuc, un petit ostal de la familha al centre vila de Les (Quate Lòcs), qu’ancianament èra una “bòrda”, çò es una fenièra. Dempuèi longtemps fonciona coma un sit de torisme rural amb una capacitat maximala de sièis personas.
 
 
Burèu de vòte lo 1r d’octòbre
 
De recordar que lo sit foguèt emplegat lo 1r d’octòbre passat pel referendum d’independéncia de Catalonha e Aran. Après que l’estat aguèt declarat illegal lo vòte e obligat de barrar los burèus de vòte, los fraire e sòrre Boya metèron a disposicion de l’eveniment lo lotjament que venguèt, aquel jorn, lo burèu de vòte pel Bas Aran.
 
 
 


abonar los amics de Jornalet
 



publicitat
BANER1-2-3: DGPL AN LAFONT



Comentaris

10 de febrièr 22.59h

Lo qu'ha de faire Boia es dire, coma ara fan los republicans, qu'aniran per aconseguir sos objectius per lo dialeg dins la constitucion. Qu' ela non ha fait pas res de mal e non ha d'haver paur. Causa que poden pas dire los del PP que han raubat a senalhades,actuat amb violencia,e ficant a la preson per ideas politicas. NO VOLEM PRESOS POLITICS, NI CATALAN NI DE CAP LOC DE L'ESTAT NI DEL MOND !


Valoriza aqueste comentari:   votar positiu 1   votar negatiu 2
Respondre comentari replica Comentari inadeqüat   Formulari d'abús de comentari

9 de febrièr 12.31h

#1 Adishatz, qu'auetz lhegit en eth article "bòrda" = "fenièra".
Ua bòrda, en totera Gasconha, qu'ei ua bastissa, cuberta d'un teit o d'un lausat, aon s'i guarda eth bestiar (vacas, oelhas) ara nèt o en iuèrn.
Eth abitatge rurau tradicionau de Gasconha ei caije tostemps compausat d'ua casa junta a ua bòrda.
Dempús eras annadas 1960, eras bòrdas horanas, deishadas, souent horen crompadas per "gent d'era vila" entà hèr de "résidences secondaires".

Totun, eth problèma deth article non... Legir mai


Valoriza aqueste comentari:   votar positiu 16   votar negatiu 0
Respondre comentari replica Comentari inadeqüat   Formulari d'abús de comentari

9 de febrièr 10.11h

Què és una fenièra?


Valoriza aqueste comentari:   votar positiu 0   votar negatiu 2
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 22
  • sol Aush 20
  • sol Bordèu 22
  • sol Briançon 14
  • sol Caors 21
  • sol Carcassona 19
  • sol Clarmont-Ferrand 21
  • sol Confolent 19
  • sol Gap 12
  • sol La Canau 22
  • sol La Gàrdia 20
  • sol Limòtges 22
  • sol Lo Borg Sant Dalmatz 17
  • sol Lo Puèi de Velai 18
  • sol Marselha 17
  • sol Montpelhièr 19
  • sol Naut Aran 18
  • sol Niça 18
  • sol Nimes 19
  • sol Pau 23
  • sol Peireguers 22
  • sol Rodés 21
  • sol Tolon 21
  • sol Tolosa 20
  • sol Valença 19

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Laurenç Revèst

    Menton, 'a vivaroalpenca maritima

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • Vista dal País Niçard e Alpenc. © Centre Cultural Occitan País Nissart e Alpenc

    Vista dal País Niçard e Alpenc

  • Manifestacion sociala. © Remèsi Firmin

    L'occitan per carrièras (concors de prima 2014)

  • © Celèsta Toion

    La plaja espaci de libertat? D'expression?

  • © Laurenç Revèst

    Besièrs, preséncia d'occitan en ciutat e CIRDOC

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • Aficha de Pèça de teatre occitan niçard d i a qualque temps. © Catarin Seguran

    Simbòls de Niça

  • Ciutat de Draoníer. © Cristòu Daurore

    Ciutat de Draoníer (Val Maira)

  • Carnaval independent de Niça. © Centre Cultural Occitan País Niçard e Alpenc

    Carnaval independent de Niça

  • Omenatge a Aragon. © Franc Bardòu

    Omenatge a Aragon

  • Val d'Aran, cap de Gasconha

  • Arremassada de signatures pera independéncia. ANC Val d'Aran, Vielha 11-12 de gèr 2014

  • Grépia de l'Ostal Sirventés (Cercle occitan del país de Carcassona). © Mirelha Braç

    Concors de Nadal de Jornalet: Cossí se passan las Calendas en cò vòstre?

  • A Gavotina marítima: Recabruna Cab Martin, a vila vielha e o castèl dau sécolo X

  • © Laurenç Revèst

    Via de Buelh a Pèunas a Valberg fins a Sant Laugier

  • © Laurenç Revèst

    Menton, 'a vivaroalpenca maritima

  • © Franc Bardòu

    Catalonha etèrna

  • Fèsta occitana a Barcelona, a l'ocasion del cinquen anniversari de Jornalet

  • Niça vièlha en occitan niçard. © LR

    Niça vièlha en occitan niçard

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)