Actualitats
Estrasborg: 40 000 manifestants exigisson una solucion per Curdistan
L’impossibilitat policièra d’accedir al centre d’Estrasborg e l’abséncia totala de mèdias internacionals contribuiguèron a rendre invisibla aquela manifestacion
Aperaquí 40 000 personas manifestèron lo 17 de febrièr passat a Estrasborg per exigir la liberacion d’Abdullah Öcalan, la reconeissença d’un estatut per Curdistan e l’arrèst immediat dels bombardaments turcs sus la vila d’Efrîn, çò rapòrta Directa. Los manifestants cridèron d’eslogans coma “Una solucion politica per Curdistan”, “ Erdoğan terrorista” o “Totes sèm antifaissistas”, en francés, anglés o italian.
La polícia francesa bloquèt la majoritat dels accèsses a la capitala d’Alsàcia per “de rasons de seguretat”, del temps que la nèu tanben empedissiá fòrça personas de jónher la protèsta. En mai d’aquò, l’impossibilitat d’accedir al centre d’Estrasborg e l’abséncia totala de mèdias internacionals contribuiguèron a rendre invisibla aquela manifestacion. De plànher tanben lo silenci de las institucions europèas sus la situacion de Curdistan.
Enfin, se rendèt public un comunicat que sollicitava de la comunautat internacionala l’intervencion contra l’ocupacion turca de Rojava. Se legissiá de manifèstes de solidaritat amb lo pòble curd e se commemorava lo 19n anniversari del “complòt internacional contra lo cap curd Abdullah Öcalan, sequestrat e encarcerat dins l’illa-preson d’İmralı”, coma denonciava Sivan Zerdesti, membre del Congrès Nacional de Curdistan. Segon de fonts del movement curd, fa mai d’un an que “i a pas cap d’evidéncia qu’Öcalan siá embarrat dins la meteissa preson o quitament pas que siá encara en vida”. D’efièch, dempuèi abril de 2015 degun ne sap pas res d’el.
Aquela manifestacion metèt lo ponch final a la segonda Marcha Internacionala en Solidaritat amb lo Pòble Curd, que la velha s’èra acampada davant lo sèti de l’ÒNU a Genèva.
Tanlèu acabada la manifestacion, mentre que la majoritat dels participants èra de retorn, un dels autocars del Partit de l’Union Democratica (PYD) de Rojava que se trobava parcat als environs de l’encencha de l’acte, foguèt victima d’una ataca d’un grop faissista turc.
La polícia francesa bloquèt la majoritat dels accèsses a la capitala d’Alsàcia per “de rasons de seguretat”, del temps que la nèu tanben empedissiá fòrça personas de jónher la protèsta. En mai d’aquò, l’impossibilitat d’accedir al centre d’Estrasborg e l’abséncia totala de mèdias internacionals contribuiguèron a rendre invisibla aquela manifestacion. De plànher tanben lo silenci de las institucions europèas sus la situacion de Curdistan.
Enfin, se rendèt public un comunicat que sollicitava de la comunautat internacionala l’intervencion contra l’ocupacion turca de Rojava. Se legissiá de manifèstes de solidaritat amb lo pòble curd e se commemorava lo 19n anniversari del “complòt internacional contra lo cap curd Abdullah Öcalan, sequestrat e encarcerat dins l’illa-preson d’İmralı”, coma denonciava Sivan Zerdesti, membre del Congrès Nacional de Curdistan. Segon de fonts del movement curd, fa mai d’un an que “i a pas cap d’evidéncia qu’Öcalan siá embarrat dins la meteissa preson o quitament pas que siá encara en vida”. D’efièch, dempuèi abril de 2015 degun ne sap pas res d’el.
Aquela manifestacion metèt lo ponch final a la segonda Marcha Internacionala en Solidaritat amb lo Pòble Curd, que la velha s’èra acampada davant lo sèti de l’ÒNU a Genèva.
Tanlèu acabada la manifestacion, mentre que la majoritat dels participants èra de retorn, un dels autocars del Partit de l’Union Democratica (PYD) de Rojava que se trobava parcat als environs de l’encencha de l’acte, foguèt victima d’una ataca d’un grop faissista turc.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La solució es que els deixin viure en Pau, a això vol dir lliures is sobirans, tal com toca, son una Nació, doncs lliures! Tal com ha d'ésser.
Visca la Terra...Lliure!
L'Ernest. "El Tàrrega".
#2 ben just! L'avenir, qu'es la web-television, de véser "Le Média".
la cadena LCP a presentat la presa de poder per Potin. Aprèp aver causit lo jornalista vedeta de la television russa per li far la propaganda -propaganda subliminala, s'entend- li ditz (en substància: Un eveniment, se ne parlas pas, existís pas. La realitat, siás tu que la fas. Comprenes?
Es çò que fan los mèdias, al servici de la finança internacionala: parlar pas de çò que lo pòble deu ignorar. O fan amb Curdistan, o fan amb Catalonha, o fan amb los tractats de comèrci mondial (TAFTA, CETA, Mercosur...), o fan amb l'amiant, o fan amb la guèrra de l'aiga, o fan amb la subrepesca... Mentisson, òc, mas mai que mai per omission. Es l'omertà que practican, mentre que ne fan un tèma de caricatura dels còrsers.
Sus Curdistan, Villepin, i a qualques jorns, sus France Inter, reconeissiá que son pas los que trason las castanhas del fuòc que las manjan. Diguèt qu'efectivament, Curdistan aurà pas res, e qu'es aital dins l'istòria: los combatents son los cocuts. O diguèt dins de tèrmes diplomatics coma li conven mas èra plan l'idèa. Sabi pas se pensava tanben als combatents de la guèrra del 14.
De plànher tanben lo silenci de las institucions europèas sus la situacion de Curdistan ? Es lo meteis silenci que pesa subre l'afar republican catalan en reialme faissista d'Espanha e en França subre l'esfaçament de 8 pòbles diferents mercés a l'esfaçament programat politicament de sas lengas respectivas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari