CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dissabte, 21 de setembre

Actualitats

Dimècres, 14 de març de 2018, 03h00 Internacional,Politica

La Cort Europèa dels Dreches Umans condemna Espanha un còp de mai

Ara la cort d'Estrasborg afirma que la justícia espanhòla manquèt al drech de libertat d'expression en condemnar dos joves per aver cremat de fòtos del rei


Comentaris 4 comentaris    
Marrit Flac Bon Plan bon Fabulós (6 vòtes)
carregant En cargar


Los joves, Enric Stern e Jaume Roura, foguèron inicialament condemnats a quinze meses de preson, mas lo jutge lor permetèt d’evitar l’embarrament se pagavan una multa de 2700 èuros cadun
© Europapress





Etiquetas
catalonha, cèdu, cèdu, espanha, estrasborg, justícia

La Cort Europèa dels Dreches Umans (CÈDU) a condemnat tornarmai l’estat espanhòl, ara per aver punit dos joves que cremèron en 2007 de fòtos dels reis d’Espanha d’alavetz, Joan-Carles Ir e Sofia de Grècia, dins l’encastre d’una manifestacion politica. La justícia espanhòla los condemnèt per d’”injuras grèvas a la corona” e per un “delicte d’òdi”.
 
Los jutges de la cort d’Estrasborg an considerat a l’unanimitat que la justícia espanhòla manquèt a la libertat d’expression e de pensada que garentís l’article 10 de l’Acòrdi Europèu dels Dreches Umans.
 
Los joves, Enric Stern e Jaume Roura,  foguèron inicialament condemnats a quinze meses de preson, mas lo jutge lor permetèt d’evitar l’embarrament se pagavan una multa de 2700 èuros cadun. Ara, la CÈDU considèra que l’estat espanhòl deu tornar als joves l’argent d’aquelas multas e mai lor donar una indemnitat de 9000 èuros.
 
Segon los magistrats europèus dels dreches umans, “mancar a la libertat d’expression e la far passar per un delicte d’òdi pòrtan tòrt al pluralisme, a la tolerància e a l’esperit dobèrt”. Dins aquel sens an condemnat la justícia espanhòla, e mai que mai son Tribunal Constitucional, per aver enseguit “la simpla expression d’idèas politicas”, es a dire per aver enebit d’expressions publicas jos l’escampa que quand se critica amb duretat las institucions se provòca d’òdi.
 
Podètz trobar la senténcia completa de la CÈDU aicí.
 
 
Una longa procedura
 
L’afar dels dos joves condemnats arribèt a la cort d’Estrasborg fa dos ans, après aver agotat totas las possibilitats d’apelacion possiblas qu’ofrís la justícia espanhòla.
 
Los joves foguèron condemnats en 2007 per la dicha Audiéncia Nacionala, un tribunal d’excepcion especializat en delictes de terrorisme. Puèi l’avocat apelèt al Tribunal Constitucional espanhòl, qu’esperèt fins a 2015 per ratificar la senténcia. Aquel naut tribunal conclusiá que la libertat d’expression aparava pas lo fach de cremar de fòtos del rei d’Espanha car èra “una accion ofensiva e d’incitacion a l’òdi”.
 
 
“Criticar las institucions de l’estat jamai non serà d’òdi”
 
Ara, l’avocat dels dos joves, Benet Salellas, a declarat als mèdias que la senténcia de la CÈDU es una victòria que demòstra que la critica politica deu èsser totjorn protegida en democracia. “La senténcia ditz clarament que la critica politica contra las institucions de l’estat serà pas jamai un discors d’òdi”.
 
 

 
 
Mentretant, Amnestia Internacionala denóncia que l'estat espanhòl abusa de las leis antiterroristas per reprimir la libertat d'expression, e soslinha las senténcias contra los cantadors de rap coma mòstra d'“intolerància creissenta e perilhosa”.
 
 
 


abonar los amics de Jornalet
 



publicitat
BANER1-2-3: DGPL AN LAFONT



Comentaris

19 de març 10.17h

I el que encara falta per dir, si el Tribunal dels drets Humans si posa, tindrà feina per temps.
Spain estàs podrida.
Visca la Terra...Lliure!
L'Ernest, "El Tàrrega".


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

15 de març 11.58h

#2 Sabi pas pus se l'ai legit dins L'Indépendant o Vilaweb, mas veni de veire que Breizh-Info taben ne parla. Se demandan s'es perque lo Philippe èra a l'estadi.


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

14 de març 20.03h

#1 Diable! d'ont tenes aquesta informacion? i a de tipes pagats a l'entrada de l'estadi per verificar las bandièras? I a una index de las bandièras enebidas? Sabi que se fa als JO, mas pel torneg, soi de cuol!


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

14 de març 09.57h

Ièr ai cremat una fotografia del rei de las Espanhas per veire se en França tanben es enebit. Cal saupre fins ont lo Macronet enrèga lo camin de Raxoi: dissabte, per França-Anglatèrra, an interdit a un espectator d'intrar a l'estadi amb una estelada. Los dreches de l'òme son en perilh.


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 28
  • sol Aush 27
  • sol Bordèu 28
  • sol Briançon 19
  • sol Caors 27
  • sol Carcassona 21
  • sol Clarmont-Ferrand 28
  • sol Confolent 23
  • sol Gap 18
  • sol La Canau 29
  • sol La Gàrdia 27
  • sol Limòtges 27
  • sol Lo Borg Sant Dalmatz 19
  • sol Lo Puèi de Velai 22
  • sol Marselha 19
  • sol Montpelhièr 20
  • sol Naut Aran 23
  • sol Niça 21
  • sol Nimes 21
  • sol Pau 25
  • sol Peireguers 29
  • sol Rodés 27
  • sol Tolon 28
  • sol Tolosa 26
  • sol Valença 24

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • Fèsta dal Dalfin al Borg. © Cristòu Daurore

    Fèsta dal Dalfin al Borg Sant Dalmatz

  • © Miquèu Barís

    Los calandrons d'Auloron qu'an visitat Baiona

  • © Margaria Pepin

    Adobament dal Grand Prèmi de Mónegue de 2014

  • © Franc Bardòu

    Tresaurs andorrans

  • País de Rasés. © Franc Bardòu

    País de Rasés

  • Cristòl Daurore

    Ceremonia pel 83n anniversari de Francés Fontan a Fraisse (Val Varacha)

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Franc Bardòu

    Asuèlhs de Lauragués

  • Per camins sus a comuna de Pelha, marcai d'occitan en toponimia e vista sus a Baia dals àngels (Aquer d'Ongran)

  • País de Rasés. © Franc Bardòu

    País de Rasés

  • Agaits occitans sus Barcelona. © Franc Bardòu

    Agaits occitans sus Barcelona

  • Omenatge a Aragon. © Franc Bardòu

    Omenatge a Aragon

  • Asuèlhs comengeses. © Franc Bardòu

    Asuèlhs Comengeses

  • Valadas. © Xavi Gutiérrez Riu

    Valadas

  • Valadas. © Xavi Gutiérrez Riu

    Valadas

  • Exposicion temporària sus Robèrt Lafont al CIRDOC (D.R.)

  • © Miquèu Barís

    Los calandrons d'Auloron qu'an visitat Baiona

  • Omenatge a Aragon. © Franc Bardòu

    Omenatge a Aragon

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Zep Armentano

    XI prèmis Gaudí de l'Acadèmia Catalana del Cinèma

publicitat

LATERAL2 330x60: Casteth Paums



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)