Actualitats
Una caravana de refugiats de l’America Centrala demanda l’asil als Estats Units
Vòlon mostrar al Mond la marrida situacion que se viu en America centrala. Donald Trump a afortit que “representan un perilh pels Estats Units”
Aperaquí sièis cents migrants sortits de Guatemala, del Salvador e sustot d’Honduras, atenguèron, la dimenjada passada, la frontièra de Mexic amb los Estats Units per demandar l’asil politic. La caravana es organizada per Pueblo Sin Fronteras (Pòble Sens Frontièras), e vòlon mostrar al Mond la marrida situacion viscuda en America centrala.
Comencèron de caminar ensems lo 25 de març passat en Chiapas, près de la frontièra amb Guatemala, e en un mes an percorregut 3200 quilomètres a pè, en tren e en autobús. Partiguèron un milièr de personas, mas long del viatge se son escampilhats.
Demest las 600 personas arribadas, la mitat vòlon demandar l’asil als Estats Units, e los autres an idèa de demorar en Mexic. Per ara, l’asil l’an demandat un primièr grop de 150 personas.
La polícia frontalièra estatsunidenca a començat de tractar las primièras demandas, mas dison que son aclapats d’òbra. Sembla que lor asil serà refusat, e dins aquel sens lo president Donald Trump a dich qu’aquel mond “representan un perilh pels Estats Units”.
Quant al govèrn mexican, a pas dich tanpauc se lor permetrà d’i demorar.
Comencèron de caminar ensems lo 25 de març passat en Chiapas, près de la frontièra amb Guatemala, e en un mes an percorregut 3200 quilomètres a pè, en tren e en autobús. Partiguèron un milièr de personas, mas long del viatge se son escampilhats.
Demest las 600 personas arribadas, la mitat vòlon demandar l’asil als Estats Units, e los autres an idèa de demorar en Mexic. Per ara, l’asil l’an demandat un primièr grop de 150 personas.
La polícia frontalièra estatsunidenca a començat de tractar las primièras demandas, mas dison que son aclapats d’òbra. Sembla que lor asil serà refusat, e dins aquel sens lo president Donald Trump a dich qu’aquel mond “representan un perilh pels Estats Units”.
Quant al govèrn mexican, a pas dich tanpauc se lor permetrà d’i demorar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los migrants "representan un perilh pels Estats Units"... de venir un pauc mai maurèls pels WASPs? E l'associacion de promocion de la venda, possession emai usatge de rifles (las armas), es pas un perilh aquò? Que lo Trompeta a previst d'anar a lor amassada aquest an.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari