CAPCALERA: VILA DE TOLOSA
CAPÇALERA2: IEA-AALO

Jornalet, gaseta occitana d'informacions

Dimars, 23 d'octòbre

Actualitats

Diluns, 14 de mai de 2018, 03h00 Internacional,Politica,Societat

L’acòrdi d’Itàlia e Libia sul retorn dels migrants es denonciat a la Cort Europèa dels Dreches Umans

Las organizacions umanitàrias planhon que los migrants en Libia patiscan la tortura, la fam e l’esclavatge


Comentaris 2 comentaris    
Marrit Flac Bon Plan bon Fabulós (3 vòtes)
carregant En cargar


An denonciat lo govèrn d’Itàlia a la Cort Europèa dels Dreches Umans (CÈDU) per aver collaborat amb Libia per empachar que los migrants arriben en Euròpa, amb las grèvas consequéncias que las patisson, coma la tortura e l’esclavatge. La denóncia se basa sul testimoniatge de 17 personas que subrevisquèron a un naufragi lo 6 de novembre passat e que foguèron remandadas en Libia; l’a presentada l’organizacion umanitària britanica Global Legal Action Network. Segon aquela organizacion, lo trabalh que fan ensems las autoritats italianas e libianas permet als gardacòstas d’arrestar de naus de migrants a la demanda italiana, e de far tornar aquelas gents en Libia contra lor volontat del temps que subisson d’agressions fisicas e sexualas e son expausadas a la fam.
 
Aquel 6 de novembre, los gardacòstas libians aurián empedit que lo vaissèl d’una organizacion umanitària socorroguèsse 130 migrants d’un zodiac que s’aprigondissiá. Una vintena de personas moriguèron e los subrevivents foguèron remandats en Libia. Segon la denóncia presentada, los migrants patiguèron una violéncia extrèma e dos d’eles foguèron electrocutats e venduts coma esclaus.
 
Global Legal Action Network presenta aquela denóncia davant la CÈDU amb l’Associacion d’Estudis Juridics sus l’Immigracion, e amb lo sosten de la Lowenstein International Human Rights Clinic de la Facultat de Drech de Yale e de l’ONG italiana ARCI.
 
 
 
En perilh l’acòrdi italolibian
 
Aquel jutjament poiriá venir una seriosa menaça per l’acòrdi signat l’an passat entre Itàlia e Libia, çò remembra The Guardian. Segon aquel acòrdi, Itàlia entraïna, dota e finança los gardacòstas libians coma recompensa de lor esfòrç per far recular devèrs Libia las embarcacions de migrants. Lo president del conselh dels ministres italian, Matteo Renzi, se vantava d’aver atench atal una fòrta reduccion del nombre de migrants arribats sus las còstas italianas del sud.
 
Mas aquel acòrdi, qu’es ara en vigor, es condemnat per las divèrsas organizacions umanitàrias que salvan de vidas en Mediterranèa. Las organizacions an denonciat maites còps las menaças violentas dels gardacòstas libians qu’exigissián de remandar los òmes socorreguts en Libia, e mai se se trobavan dins las aigas internacionalas.
 
 
De torturas e d’esclavatge
 
Avenguèt fa gaire que l’ONG catalana, Proactiva Open Arms, refusèsse las menaças de mòrt dels gardacòstas libians se tornavan pas en Libia los migrants salvats. Quand arribèron sus las còstas de Sicília, los esperava la polícia italiana. La justícia italiana lor confisquèt lo vaissèl e ara afrontan un procès per aver encoratjat l’immigracion illegala.
 
Dètz migrants pervenguts fa gaire en Itàlia en passant per Libia testimonièron a The Guardian qu’avián patit de torturas e foguèron obligats a de trabalhs forçats. “Libia es lo pièger endrech del Mond s’ès un african negre. Te considèran automaticament coma un esclau”, çò raportava al jornal anglés Ibrahim Diallo, un jove migrant de 20 ans. “I a de vilas coma Sabha o Zawiyah que son fachas per d’esclaus, de presons e de camps de detencion un al costat de l’autre. M’estimi mai de morir que tornar en Libia”, çò precisava.
 
Segon las estimacions d’Amnestia Internacionala, long de l’an 2017 los gardacòstas libians remandèron en Libia aperaquí 20 000 personas.
 
En novembre passat, Jornalet raportava la venda a l’enquant dels esclaus en Libia, qu’aviá documentada una reportèra de la CNN.



abonar los amics de Jornalet
 



publicitat
BANER1: IEA-AALO



Comentaris

14 de mai 19.58h

Fa longtemps ja que la cort europèa (o pas) dels dreits umans se deuriá ocupar del sistèmi economic mondial catastrofic que buta tota aquela paurilha a fugir son país e sas gents dins de condicions espaventablas per ensajar, valga que valga, de venir trigossar misèria en Euròpa…


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

14 de mai 17.44h

Cal esperar que lo gobernament italian s’afranquirà dels okazes d’aquela « Cort Europèa dels Dreches Umans » per s’ocupar dels dreches umans que son de sa competéncia : aparar lo pòple italian (e los autres pòples d’Euròpa en consequéncia) de l’invasion migratòria, de la submersion e de la disparicion dins un avenir pro pròche, estalviar a sos ciutadans e a sas ciutadanas los escotelatges, los viòls e autres crimes comeses cada jorn per aquels « òstes » indesirables. Un... Legir mai


Valoriza aqueste comentari:   votar positiu 2   votar negatiu 6
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat

Editorial

E mai l'accent occitan los emmalícia

Semblariá que los jacobins sabon plan çò que la majoritat d'occitans, alienats per París, sabèm pas: sèm un pòble somés, una de lors primièras ...
giny

Lo temps

Mapa
  • sol Agen 19 5
  • sol Aush 6
  • sol Bordèu 20 6
  • sol Briançon 18 3
  • sol Caors 23 5
  • sol Carcassona 18 9
  • sol Clarmont-Ferrand 15 3
  • sol Confolent 18 7
  • sol Gap 19 8
  • sol La Canau 20 6
  • nuvols_parcials La Gàrdia 16 8
  • sol La Torre de Pèlitz 21 12
  • sol Limòtges 18 7
  • sol Lo Borg Sant Dalmatz 20 11
  • sol Lo Puèi de Velai 11 6
  • sol Marselha 21 11
  • sol Montpelhièr 20 16
  • sol Naut Aran 19 4
  • sol Niça 17 6
  • sol Nimes 18 14
  • nuvols_parcials Pau 21 7
  • sol Peireguers 18 7
  • sol Rodés 21 4
  • sol Tolon 23 10
  • sol Tolosa 19 8
  • sol Valença 14 8

giny

giny

Vidèos

giny

giny

publicitat

lateral 2 teveoc

Entrevista

Es una militància que fa viure Aquò d’aquí

Michèu Neumuller Cap-redactor d'Aquò d'Aquí

Es una militància que fa viure <em>Aquò d’aquí</em>
publicitat

LATERAL1 300X250: sapiéncia



publicitat

LATERAL2 330x60: Casteth Paums

Fotografias

  • © Asalaís Moniguet

    Montpelhièr la lengadociana

  • © Laurenç Revèst

    Vista de Gavotina (est Velai) e d'Auvèrnhe (Vivarés, Gevaudan)

  • Asuèlhs comengeses. © Franc Bardòu

    Asuèlhs Comengeses

  • Bordèu, bèla occitana de Gasconha. © Franc Bardòu

    Bordèu, bèla occitana de Gasconha

  • © Jacky Grau

    Manifestacion per l'occitan dins l'ensenhament public. Montpelhièr 16 de febrièr 2013

  • Sud Tolosan. © Franc Bardòu

    Concors d'estiu 2012: La fotografia de las vacanças

  • © Laurenç Revèst

    Cavairac (Costièra de Nimes)

  • Castelar

  • Minecraft en version occitana

  • © Conselh Generau d'Aran

    Hèsta d'Aran 2014

  • © Laurenç Revèst

    Dau castèu de Grimaud

  • © Xavi Gutiérrez Riu

    Coserans: Sent Líser, Casavèth, Sent Guironç, Saurat...

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • @ Lisa Gròs

    De ruscas

  • © Margaria Pepin

    Adobament dal Grand Prèmi de Mónegue de 2014

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Aure Séguier

    Carnaval Biarnés 2017

  • © Laurenç Revèst

    Besièrs, preséncia d'occitan en ciutat e CIRDOC

  • © CD

    Escòla Calandreta dau Mas. Drap (País Niçard)

  • Valadas. © Xavi Gutiérrez Riu

    Valadas

giny

Las mai...

publicitat

LATERAL 1-2: IEA-AALO

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)