CAPÇALERA: Conselh Generau d'Aran 728x90
CAPÇALERA2: FAI-TE SOCI

Jornalet, gaseta occitana d'informacions

Dimars, 21 de mai

Actualitats

Diluns, 11 de junh de 2018, 03h00 Politica,Societat,Television

Los aperitius revendicatius per l’occitan a la television fan fruch

France 3 aculhís amb interès las revendicacions del Collectiu Occitan que vòl una preséncia jornalièra de la lenga del país a la television publica


Comentaris 11 comentaris    
Marrit Flac Bon Plan bon Fabulós (17 vòtes)
carregant En cargar


Los aperitius revendicatius per l’occitan a la television que se tenguèron dimècres passat dins plusors vilas d’Occitània fan fruch. "Podèm ja afortir que i aurà una melhora preséncia de l’occitan a France 3 Occitanie e que de barrièras son a se levar", çò rapòrta lo Collectiu Occitan, qu’es a l’origina de las protèstas. E mai, lo collectiu precisa que la cadena aculhiguèt las revendicacions d’un biais fòrça coral e que se’n parlèt als jornals televisats de Montpelhièr e de Tolosa.
 
Los manifestants rescontrèron los responsables de France 3 gaireben pertot, e a Tolosa, lo director Carlos Belinchon e la directritz dels programas Laure Cornejo beguèron un còp amb los acampats amb qui charrèron "longament". Totun, lo Collectiu Occitan pensa de "contunhar l’accion, d’aitan mai que per la reforma i aurà de consultacions tant del govèrn coma dels parlamentaris". Ansin es prevista una reünion amb lo gabinet de la ministra francesa de la cultura.
 
Lo Collectiu Occitan amassa un desenat de movements occitanistas, dont Convergéncia Occitana, lo CRÈO, la Confederacion Calandreta, lo Partit Occitan, EELV Occitània, País Nòstre, lo Partit de la Nacion Occitana, Esquèrra Revolucionària Occitana, Bastir, Macarèl e l’Associacion Zo. Revendica la preséncia de l’occitan cada jorn a la television publica, e se mobiliza en vista de la reforma de l’audiovisual public que se debanarà lèu dins l’estat francés.
 
 
Sosten de las comunas
 
Lo Collectiu Occitan a demandat lo sosten de las comunas, mai que mai dels departaments d’Erau e Avairon, e a recebut de responsas positivas d’Agde, de l’aglomeracion de Seta, de Montpelhièr e de las comunautats de comunas de Clarmontés d’Erau e del país de Leveson.
 
Tanben an manifestat lor sosten las comunas de Pòrt la Novèla (Narbonés) e de Virsec, del causse de Larzac que fa partida del departament d’Erau. D’autres sostens son a arribar, çò que mòstra la volontat d’una preséncia pus digna de la lenga occitana a la television publica del país.
 
 
Una ora e quart per mes
 
A l’ora d’ara, la television publica francesa non prepausa d’emissions en occitan que 17 oras per an, çò que fa una mejana d’una hora e quart per mes. Aquela preséncia es infima se la comparam amb la preséncia de las lengas autoctònas a las televisions dels estats vesins coma Espanha, Soïssa o Belgica.
 
 




abonar los amics de Jornalet
 



publicitat
BANER1-2-3: DGPL TRADUCTOR



Comentaris

13 de junh 22.35h

Pirolet somnias Na Macrona, lo veses per tot. Tranquil home, que lo del vestit blau es dels nostres.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

13 de junh 04.59h

Lo tipe de blau, al mièg, que se vei d'esquinas, e pas lo Macron saique?


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

12 de junh 22.18h

M'en oblidava, À Punt la television valenciana es pot veire per internet, e lo valencian ha una fonetica mai propera a l'occitan. Lo malhorquin o balear la fonetica es pus tancat e se pareis mai al catalan. Una question de fonetica mas que crida força l'atencion essent tot la mateissa lenga.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

12 de junh 21.13h

Òsca ! Ara non demòra pas que de trobar monde end’espiar la television !


Valoriza aqueste comentari:   votar positiu 2   votar negatiu 5
Respondre comentari replica Comentari inadeqüat   Formulari d'abús de comentari

11 de junh 23.16h

#5 Ne demori pas en Occitania mes en Navèra Aquitania, donc ne soi pas (mei) occitan!
E tanben la lenga de fr3 Tolosa ne'm pertòca pas tròp, que la compreni mes qu'ei tot...e comprenes?
Mes que soi content per vosautes, aquò segur!


Valoriza aqueste comentari:   votar positiu 7   votar negatiu 12
Respondre comentari replica Comentari inadeqüat   Formulari d'abús de comentari

11 de junh 22.29h

La constancia e la perseverància donan fruits, es aital.
Precisament ahir la tv autonomica valenciana "A Punt" ha représ las emissions aprés de quatre ans e mieg, es preveu qu'es puga veire a Catalunya e Balears, e que la television de les illes Balears IB3 e la de la Generalitat TV3 es pugan veire al País Valencian.


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

11 de junh 19.13h

#1 Los "vesins occitans" ?!! Per qué vos prenètz, sénher de Gasconha ? Per un Javanés, un Marcian, un Assirian antic ? Parlas occitan, coma nosautres : un Gascon es un Occitan, coma la sarda es peis, lo telh un arbre, etc…


Valoriza aqueste comentari:   votar positiu 10   votar negatiu 2
Respondre comentari replica Comentari inadeqüat   Formulari d'abús de comentari

11 de junh 12.00h

1) A l’ora d’ara, la television publica francesa non prepausa d’emissions en occitan que 17 oras per an, çò que fa una mejana d’una hora e quart per mes. Aquela preséncia es infima se la comparam amb la preséncia de las lengas autoctònas a las televisions dels estats vesins coma Espanha, Soïssa o Belgica. Per contra, aquela meteissa preséncia es proporcionada (e benlèu considerabla) se la raportam a l'interès que pòrtan la politicalha e la jornalistalha a l'existéncia d'autra... Legir mai


Valoriza aqueste comentari:   votar positiu 11   votar negatiu 3
Respondre comentari replica Comentari inadeqüat   Formulari d'abús de comentari

11 de junh 10.22h

#1 Solide que quichatz aqui sus un brave problèma ! Urosament que se poirà ( espèri) dobrir lo recrutament en defòra d' "Oxitany" , en Gasconha, Provença, o Nòrd-Occitània. En escafant un bocin las formas tròp reguèrguas de lor parladura prer s'adaptar als telespectators, aqueles presentators novèls mostraràn qu'Occitània es pas sonque un triangle Tolosa-Rodés-Montpelhier, e que s'amerita d'èsser reconeguda dins tot son ample-.....Paraula d'un que demòra al còr del còr d'aque... Legir mai


Valoriza aqueste comentari:   votar positiu 7   votar negatiu 1
Respondre comentari replica Comentari inadeqüat   Formulari d'abús de comentari

11 de junh 09.28h

Adiu, es l’associacion « ZO! » pas « Zou » ;)


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Per un jornal participatiu, viu e civilizat

Quand discutissèm amb qualqu’un, emplegam quicòm mai que de paraulas. Las expressions de la cara e los gèstes son fòrça importants per comunicar. Quand parlam al ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

giny

giny

publicitat

lateral 2 teveoc

Entrevista

“Avèm un molon de sorires que revenon a cada eveniment”

Rafèu Radreau Carnsaladièr e organizaire d'eveniments culturals a Peirafuec (Nauta Val de Var)

“Avèm un molon de sorires que revenon a cada eveniment”
publicitat

LATERAL1 300X250: radio pais



publicitat

LATERAL2 330x60: Casteth Paums

Fotografias

  • © Franc Bardòu

    Tèrra albigesa

  • Exposicion temporària sus Robèrt Lafont al CIRDOC (D.R.)

  • Arribada de la prima en Naut Rasés. © Terric Lausa

    Arribada de la prima en Naut Rasés

  • Lo grand passacarrièra de Rodés. Occitan Pride 2013

  • La Primada de Montsegur, 17 de març 2012

    Primada de Montsegur, 17 de de març 2012

  • Jornada de protèsta contra lo barratge del Testet, a Sivens

  • © Franc Bardòu

    Asuèlhs de Lauragués

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • País de Rasés. © Franc Bardòu

    País de Rasés

  • Era còlha dera ADÒC ath trabalh

  • Ciutat de Blaia: al país de l'amor de lonh

  • © Aure Séguier

    Carnaval Biarnés 2017

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • © Aure Séguier

    Carnaval Biarnés 2017

  • © Franc Bardòu

    Catalonha etèrna

  • © Zep Armentano

    Era Mongetada (Val d'Aran 28-29 d'octobre 2017)

  • Era còlha dera ADÒC ath trabalh

  • Irissa: prumèra edicion dera corsa populara de BTT

  • © Franc Bardòu

    Asuèlhs Bigordans

  • País de Rasés. © Franc Bardòu

    País de Rasés

giny

Las mai...

publicitat

LATERAL2 300x250: Cultura Conselh Aran

giny

Sondatge

Escrives normalament de comentaris dels articles que publica Jornalet?


9%



28%



10%



22%



32%




Vots 101 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)