Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'AranCastièro

Vielha: se promourà l'occitan dins los tribunals

Los abitants seràn assabentats de lors dreches lingüistics, e los jutges de la realitat lingüistica de la Val d'Aran

Jornada d'estudi e de debat l'Institut d'Estudis Araneses-Acadèmia Aranesa de la Lenga Occitana (IEA-AALO) amb l'Illustre Collègi dels Avocats de Catalonha
Jornada d'estudi e de debat l'Institut d'Estudis Araneses-Acadèmia Aranesa de la Lenga Occitana (IEA-AALO) amb l'Illustre Collègi dels Avocats de Catalonha
Los juristas van promòure l'usatge de l'occitan dins los tribunals de Vielha. Se pausarà doncas d'afichas qu'informaràn los abitants de lor drech d’emplegar la lenga del país, e tanben se donarà de paquets de benvenguda als jutges a mand de venir en Aran per lor far conéisser la realitat lingüistica del país, çò rapòrta Aue TV.
 
L'iniciativa seguís la jornada d'estudi e de debat que se faguèt aquesta dimenjada sus la senténcia del Tribunal Constitucional espanhòl que suprimís l'occitan coma lenga d’usatge preferencial per las administracions. Los participants ne concluguèron que l'usatge de l'occitan es deficitari dins l'encastre juridic, e se decidiguèt de prene de mesuras. La jornada l'entamenèt l'Institut d'Estudis Araneses-Acadèmia Aranesa de la Lenga Occitana (IEA-AALO) amb l'Illustre Collègi dels Avocats de Catalonha.
 
 

 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

Urrà ! Visca la nostra lenga en la justicia.

  • 7
  • 0

Escriu un comentari sus aqueste article