Opinion
Sortir daus escandals alimentaris
En questa debuta de mes, vos desire una bona annada plan acompanhada. E ne’n aprofiete per tornar sus las festas e lors repas familhaus interminables, emb fòrça fetge gras mai rostidas de saumon. E au moment ont ribet queu peisson ròse sus la taula, vòstre beu-frair o vòstra mair parleron benleu dau darrier subjecte de mòda sus la tematica “nos fan engulir de la merda”: la dangierositat dau saumon norvegian. Òc-plan, l’annada 2013 es estada l’annada daus escandals alimentaris: la charn de chavau romanés que ven de la charn de buòu en passant las frontieras, la charn de chavaus de laboratòri que ven comestibla e aura lo saumon norvegian farcit au PCB.
Queus escandals son la consequéncia de l’industrializacion de l’alimentacion umana. Ne’n i a d’autras, qu’an pas de repercusion directa sus la santat dau consomator: la concurréncia ferotja entre los territoris - per exemple entre Bretanha e Euròpa de l’Est - per l’exportacion, qu’a per consequéncia la pollucion dau dich territòri, sa precarizacion quand es mens competitiu e tanben la precarizacion daus paisans daus país importators; las culturas impausadas dins los país dau sud nonmàs per l’exportacion que pòdon aver de las consequéncias ecologicas e socialas dramaticas coma zo nos mòstra l’istòria de la percha dau Nil.
Coma ne sortir? Coma se noirir sens se dire que vam empoisonar nòstres petits o destrusir un país luenchenc? Dins las annadas 60, de las femnas japonesas an trobats una responsa. Eran fàcia a la pollucion de la mar per lo mercuri regetat per una usina electrochimica. An inventat lo teikei, qu’es l’aujòu de nòstras AMAPs. Volián botar una chara, la chara dau paisan, sus los aliments. Quò es lo chamin que nos faudriá segre, per sortir de tots queus escandals sanitaris, ecologics e mai sociaus: relocalizar las produccions agricòlas, tornar trobar una proximitat entre paisans e consomators tant per l’informacion daus uns que per la solidaritat que los autres an mestier, mai un trabalh de la terra mai ecologica e lo benèsser daus animaus. Una relocalizacion qu’aurà un benefici sociau certan.
Queus escandals son la consequéncia de l’industrializacion de l’alimentacion umana. Ne’n i a d’autras, qu’an pas de repercusion directa sus la santat dau consomator: la concurréncia ferotja entre los territoris - per exemple entre Bretanha e Euròpa de l’Est - per l’exportacion, qu’a per consequéncia la pollucion dau dich territòri, sa precarizacion quand es mens competitiu e tanben la precarizacion daus paisans daus país importators; las culturas impausadas dins los país dau sud nonmàs per l’exportacion que pòdon aver de las consequéncias ecologicas e socialas dramaticas coma zo nos mòstra l’istòria de la percha dau Nil.
Coma ne sortir? Coma se noirir sens se dire que vam empoisonar nòstres petits o destrusir un país luenchenc? Dins las annadas 60, de las femnas japonesas an trobats una responsa. Eran fàcia a la pollucion de la mar per lo mercuri regetat per una usina electrochimica. An inventat lo teikei, qu’es l’aujòu de nòstras AMAPs. Volián botar una chara, la chara dau paisan, sus los aliments. Quò es lo chamin que nos faudriá segre, per sortir de tots queus escandals sanitaris, ecologics e mai sociaus: relocalizar las produccions agricòlas, tornar trobar una proximitat entre paisans e consomators tant per l’informacion daus uns que per la solidaritat que los autres an mestier, mai un trabalh de la terra mai ecologica e lo benèsser daus animaus. Una relocalizacion qu’aurà un benefici sociau certan.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una solucion : Go Vegan e locavòre !
#1 Efectivament, per bien fonccionar totas quelas iniciativas se deven acompanhar d'un chamnhament de mentalitat, d'una presa de consciéncia de la necessitat de s'occupar se-mesma de sos afars. E qu'es pas evident dins un monde consumerista. E bona annada a te !
#2 Mercés Terric e bona annada tanben !
Coma a l'acostumada, unas soscadissas ecologicas pregondas e apassionantas.
Mercés e bona annada Maime!
Adiu,
Aprofeiche d'aqueu bilhet per te balhar la bona annada, que l'an noveu siguesse l'enchaison de farjat 'quò que l'ancian servet de biais.
Un bon bilhet, mai-que-mai per un minja-raiça coma sei. Passí las festas sens dubrir ma gola sus 'quò que se trobava a taula, per pas desgotar lu monde.
Mas, fau far 'tenci', de las iniciativas coma las AMAPS son pas aisadas de montar e de far viuvre. La « nòstra » s'esbolhet perque dins son biais de marchar, jurtament, quò marchava pas tant ben qu'aquò : tener las permanença, far los « cleissons »... perque 'quò fasiá un bocin de temps qu'aiá pas minjar de tant bons legums, afè, es entau.
E es parrier per lu luòc autò-gerat, 5 personnas poden gaire far viuvre un tau luòc, invitar de la gent, organisar los desbats... e pertant, i a mestier de luòcs « sociaus »...
Afè, 2013 se 'chabet sus 'na p'ita nòta negra dau costat sociala de la fòrça, ne'n sem qu'a la desbuta de 2014, n'autres vam visar un pauc davant nos.
JP
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari