Bandièra01 1180x150: Comuna de Tolosa

Opinion

Manganas (XXVIII)

“Lo Z.? Per de qué i aviá un gus dins la mala? Sias caluc, tu, o qué? O suicidari?
 
— Conoisses pas lo Z.? Es un jornali... un intellec... un polemista tras que conegut en França. I aviá de moneda de se far, podiam demandar un quicòm de rescat!
 
— Ara es dins la natura. Vau sonar El Jef’. Demòra aquí. “
 
 
Ja lo reguenh que ponchava sus ieu m’aviá dich çò meteis.
 
Daissèt un messatge puèi lo telefonilhet bronzinèt de seguida. Èra El Jefe el meteis. Parlèron de la 406. De detadas e d’indicis coma los saquetons... que poirián menar a nosautres. Del Z. que los raubaires tuarián un còp descobèrt. De la veitura que cramarián perque saurian pas çò qu’amagariá aquel raubatòri.
 
El Jef’ vesiá pas qual podiá raubar aquel tipe de veitura a despart d’una banda de bulgars que traficava per aquí.
 
Per çò qu’es de bibí, s’anava entresenhar al prèp del bòsso. Tornariá sonar.
 
Nos sem agachats. Sarrèt son arma. I aviá de monde a l’entorn, de familhas que passavan dins aquel no man’s land entre lo parcatge, l’estacion esséncia e la cafeteria. Li voliai prepausar un cafè mas gausavi pas.
 
Quicòm aviá cambiat dins son agach. Era a l’espèra, l’instint de subrevida èra tornat, estimava la situacion. Dins qualques minutas aprendriá qu’èri pas qu’una engana.
 
Quora l’ai vista. Mon astre. La 406. Se dirigiá plan planet cap a una pompa. Pensavi far de gasolina al moment de partir: ne’n demorava pas gaire.
 
 
 
abonar los amics de Jornalet
 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article