Bandièra01 capçalera  1180x150: Novestivada

Opinion

Mélenchon en visita a Montpelhièr

Gael Breysse

Gael Breysse

Occitanoesquerrista que trabalha a Montpelhièr dins la construccion

Mai d’informacions
Lo Dimenge 13 de febrièr 2022, Joan-Luc Mélenchon amassarà sos sostens a l’Arena Sud de France (o Nòrd de Mediterranèa), a Montpelhièr. Ven a presentar son programa l’Avenidor en comun, qu’es pas qu’una profession de fe mas un libre de 200 paginas que l’edita edicions Le Seuil. L’eveniment se debanarà dins una sala que pot recampar mai de 6000 personas. De mesuras sanitàrias son presas per lo movement amb lo despartiment de mascas FFP2. Aquesta chifra pot susprene en pandemia mas las amassadas politicas son pas limitadas per lei e lo moviment de la França Insomesa a elegit de prepausar las mascas per limitar lo dangièr de contaminacion. Per se marcar cal anar sus lo sit web https://actionpopulaire.fr/ o descargar l’aplicacion Action Pop sus Android Market.
 
En 2017, la França Insomesa a fach un resultat de 22,97 % dins lo departament d’Erau al primier torn darrier Marine Le Pen mas davant l’actual president Emmanuel Macron. Se sap pas encara se los 5 ans d’oposicion a l’Assemblada nacionala l’ajudaràn a pesar coma en 2017.
 
De remembrar que lo primièr torn de l’eleccion presidenciala serà lo 10 d’abriu e se tornarà de nòu lo 24 d’abriu.
 
 
 
abonar los amics de Jornalet
 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Gaël BREYSSE Bezierenc nord
16.

Plan bonjorn a totes.
Vaqui calques responsas :
Sabi plan que lo melenchon n’es pas pro las lengas minorizadas o al mens son ensenhament,
de mon costat aquesta lenga l’apreni solent de mon costat amb lo pauc de mots de ma mameta d'Ardecha. Fai 70 ans que n’ai de leis (deixonne) per l’ensenhament e que ne funcionan pas per l'occitan. Lo deputat Molac a fach molon de trabalh, mai perque fugèt sosten del Macron de la primiera ora ? Se sabia plan que l'escola publica n'era pas una prioritat per lo Macron
Es lo candidat que ieu sosten, cadun es liure avant et aprep, pas per la defensa de la lenga mai perque n'avèm un sadol de l’UMP-PS e de la dreita en general quand la paurilha qu’avança pertot.,
A ver si ma nova venenta vos convencerà.

  • 5
  • 3
ltrobat
15.

#14 Que repepias tu tanben (#5 e #6)...
Que'm pareish normau, sus un media occitanista, de parlar de defensa de la lenga nosta. Mes, solide, aquò que deu estar ua faiçon de véder drin tròp basica o primària per un pensaire de la toa traca.
Jo tanpòc, quan vòti, qu'espii shens que las questions ligadas a l'occitan (shens aver la pretencion d'aver ua vision deus enjòcs politics a la pagèra de çò que pòt estar la toa, solide!). Mes, clarament, ne poish pas balhar lo men vòte a un programa o un candidat opausat a la defensa o a la promocion de las lengas regionaus.
A tu qui explicavas, aus prabes occitanistas menshidècs (com jo), que, d'un nacionalista franchimand jacobinista, lo Mélenchon qu'èra su punt de vader un defensor de las lengas minorizadas (per l'operacion du Sent-Esperit, dilhèu), lo men doble-pòst qu'avè per tòca d'amuishar la realitat de l'actitud e de la pensada politica de LFI sus aqueste subjecte.

  • 4
  • 0
Lafontan Tolosa
14.

#13 Te repetas ! Per tu sembla que la vida se resumis a la defensa de nòstra lenga, as pas cap de responsas a totes los arguments menats es un pauc trist.

  • 1
  • 5
ltrobat
13.

#10 Com at disè lo Jean Cocteau: "N'i a pas nat amor, que i a sonque pròvas d'amor".
La France Insoumise que'vs pòt prométer tot çò que volhan, vaquí lo lor programa en actes:
https://barr-avel.blog/2021/04/14/la-france-insoumise-en-premiere-ligne-contre-la-loi-molac-en-faveur-des-langues-regionales/

Mefià't! A tròp voler har de l'occitan pragmatic que riscas de vàder un occitan cocut...

  • 6
  • 1
ltrobat
12.

#10 Com at disè lo Jean Cocteau: "N'i a pas nat amor, que i a sonque pròvas d'amor".
La France Insoumise que'vs pòt prométer tot çò que volhan, vaquí lo lor programa en actes:
https://barr-avel.blog/2021/04/14/la-france-insoumise-en-premiere-ligne-contre-la-loi-molac-en-faveur-des-langues-regionales/

  • 6
  • 1

Escriu un comentari sus aqueste article