Bandièra01 capçalera  1180x150: Novestivada

Opinion

Marrit camin europenc

Lo 15 de març se tenguèt a Pau, dins l’encastre de la presidéncia francesa, una conferéncia solemna sus “los enjòcs de la diversitat lingüistica en Euròpa”. Òsca se ditz lo ciutadan de basa, vaquí una bona iniciativa que la guèrra tornada fa encara mai utila se pensam que lo Potina declarèt que la lenga ucrainiana aviá ges de rason d’existir!
 
Mas, aquí l’agre: aquesta acampada pel plurilingüisme se limitèt a las lengas d’Estat e escartèt los dos tèrces das lengas istoricas e autoctònas de l’Union Europenca.
 
Vaquí un biais plan curiós de considerar la realitat e de pensar la diversitat. A mai fa un brave problèma de democracia.
 
Lo maltés, parlat per 400 000 personas, a el reconeissença e sosten, tre que de lengas “regionalas o minoritàrias” parladas per de milions de ciutadans , coma lo catalan o lo basc, son denegadas. E aquò per la sola rason qu’an pas d’Estat e que los onte vivon las vòlon pas defendre ( es a dire vòlon lor desaparicion).
 
Lo messatge renovelat a n’aquestas populacions es clar: la condicion per que la vòstra lenga aja un avenidor es d’aver un Estat. Aprèp aquel monde se van indignar de las demandas d’independéncia. De segur se l’independencia es la condicion per viure que se la van demandar!
 
Vaquí una escasença mancada plan dins la linha de l’Euròpa daus Estats que va evidenciar la guèrra, la de refusar de vèire la realitat.
 
 
 
abonar los amics de Jornalet
 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Mai Republica es abordida mai legiférís !
5.

Los que daissan crèire que de per una mena de fada europenca, totis los perperics nòstres saràn remoguts s’enganan e vos guilhan.

  • 2
  • 0
Mai Republica es abordida mai legiférís !
4.

N’en cal pas èsser atupit de tot aquò, Europa es estada fargada pels americans, ja en 1944 entà New-York se fasiá l’empreza de constitucion dels estats-units d’Europa.

https://www.cvce.eu/object-content/-/object/1e64890f-9a3e-4f2b-be6d-9f86aff930cc

https://www.cvce.eu/obj/message_de_dwight_d_eisenhower_sur_la_creation_de_l_union_de_l_europe_occidentale_10_mars_1955-fr-59200d50-14c1-4119-900a-c05d83bf4726.html

Fan servir las lengas minorizadas o pas, quora n'an mestièr per enantir l'empreza, apèi s'en trufan, ne i a ja de tròp es pas per n'apondre maites.




  • 2
  • 0
Gael Puech ericon
3.

Mercé per l'informacion. ço que nos transmete tanben aquesta reunion sus l'encastre linguistic europenc sin consideracion per las lengas minorizadas es que d'un costat siam ja dins un federalisme economic e cultural que nos pertòca per sia volontat d'esbrenar los pobles e de redusir las volontats de diferència.

  • 1
  • 0
Franc Bardòu
2.

En mai d'un article fracofòn, per la premsa franchimanda, ai pogut legir que lo pòble d'Ucraïna defendiá "lo dreit dels pòbles a dispausar e se-meteis". Lo mond francofòn es caracteristicament esquizofrenic.

  • 10
  • 0
pierre lachaud
1.

Independança per rapòrt aus estats mas dependença aus banquiers. A fòrça de criticar los estats l'òm oblida que l'estat es censat defendre l'economia, lo social dins lo pais. An fan una Euròpe que privilegia lo regionau au detriment de l'estat. L'òm a vist que la dictatura sanitaria era basada sur un protocole regional qu'era chargeada de far obeir los medecins.
L'òm considera totjorn que l'estat es liure. Mas, non, depend daus banquiers. An devalorisar lo local e lo nacional, survalorisat lo regional e l'Euròpe. Aquò es pas sens consequença e de democracia avem ren ganhat.
Coma zo disia Marks, la sola lucha valabla es la dictatura dau proletariat contre los banquiers, los usuriers e las ponhadas de fortunas que ganhan mai que la resta de la populacion.
Lenine a cedat aux banquiers que per far sa revolucion, avian besonh d'argent e quò menet Stalina.
A la surtida de la guerra de 1939/45, lo parti socialiste disset "contre la finança, l'òm pòd ren" e acceptet lo plan Marschal. Lo parti comuniste abandonet la nocion de "dictatura dau proletariat " a la fin de las annadas 1970 e periclitet, seguit per un parti socialiste aura totalement infeoda aus banquiers.
Lo discors umanitari, ecologic e autras son mas daus discors. L'usurier a ganhat.
Laissam darrier nos aquilh passat e preparam une societat ente i aura una plaça per l'esser uman, l'environament. Ses mai qu'una machina; avem un còr per pensar, una imaginacion, una consciença que nos butit a esser liure. La ponhada de miliardaira existerian pas si nos cresiavan pas obligeat de nos laissar governat per ieus en contre-partitda d'una paia.

  • 1
  • 9

Escriu un comentari sus aqueste article