Actualitats
Se trufan de la presentacion de l’unifòrme de la novèla fòrça espaciala de l’armada estatsunidenca
Lo Departament de la Defensa dels Estats Units l’anoncièt fa qualques jorns sus Twitter e lo fach que siá de camoflatge provoquèt una avalanca de trufariás sul ret social
Lo Departament de la Defensa dels Estats Units anoncièt fa qualques jorns sus Twitter quin seriá l’unifòrme de la fòrça espaciala de l’armada. S’agís d’un unifòrme militar normal amb de vestits de camoflatge, e non pas un unifòrme adaptat a l’espaci, e per ansin la nòva foguèt aculhida pels internautas amb un avalanca de trufariás: lo mond se demandan perqué se cal camoflar dins l’espaci.
La fòrça espaciala estatsunidenca se vòl justificar en respondent que s’agís de “la reütilizacion dels unifòrmes de l’armada de tèrra e de la fòrça aeriana per economizar los còstes de concepcion e de produccion d’un novèl unifòrme”. En mai d’aquò, asseguran que los soldats d’aquela fòrça espaciala seràn pas mandats combatre dins l’espaci mas que faràn de missions espacialas de la Tèrra estant.
Creada aqueste decembre passat, la creacion de la Fòrça Espaciala foguèt ordenada per Donald Trump en setembre del 2018. “Per defendre los Estats Units basta pas d’aver de preséncia dins l’espaci, nos cal dominar l’espaci”, çò argumentèt lo president estatsunidenc. D’efièch, lo país nòrd-american cèrca de dominar l’espaci mas se tròba que de païses coma China e Russia an desvolopat tanben de capacitat tecnologicas per aquela dominacion. De dominar l’espaci es essencial per contrarotlar las comunicacions per satellit GPS. De soslinhar qu’en 2007 China testèt amb succès la destruccion d’un satellit amb un missil sòl-aire.
La fòrça espaciala estatsunidenca se vòl justificar en respondent que s’agís de “la reütilizacion dels unifòrmes de l’armada de tèrra e de la fòrça aeriana per economizar los còstes de concepcion e de produccion d’un novèl unifòrme”. En mai d’aquò, asseguran que los soldats d’aquela fòrça espaciala seràn pas mandats combatre dins l’espaci mas que faràn de missions espacialas de la Tèrra estant.
Creada aqueste decembre passat, la creacion de la Fòrça Espaciala foguèt ordenada per Donald Trump en setembre del 2018. “Per defendre los Estats Units basta pas d’aver de preséncia dins l’espaci, nos cal dominar l’espaci”, çò argumentèt lo president estatsunidenc. D’efièch, lo país nòrd-american cèrca de dominar l’espaci mas se tròba que de païses coma China e Russia an desvolopat tanben de capacitat tecnologicas per aquela dominacion. De dominar l’espaci es essencial per contrarotlar las comunicacions per satellit GPS. De soslinhar qu’en 2007 China testèt amb succès la destruccion d’un satellit amb un missil sòl-aire.
The first #SpaceForce utility uniform nametapes have touched down in the
— United States Space Force (@SpaceForceDoD) January 18, 2020
Pentagon. @EsperDoD@SecAFOfficial@SpaceForceCSO@GenDaveGoldfein@DeptofDefense@usairforcepic.twitter.com/Jvzt5bvNl7
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ja s'a reconegut l'existència dels ET,e la feina a partir d'ara es enorma, s'ha de contactar amb eles per poder avançar en patz e intercanviar opinions, com cooperar junts, amb tota la inmensa ventaja que portan. Lo futur espacial s'ha d'entendre pacificament entre americans, russos e xinesos. Tamben i a l'aportacion que pot far Madrid amb lo futur coets de fira pels espectacles pirotècnics, una avançada tecnologica que los ET pegaran de cuol. Amb una post coma lançadora e non necessita compte enrera, un encenedor qu' encenga la metxa, foc e BUM !
#4 En gascon, disèm gèr o genèr, janvièr s'i pòt ausír tanben. Mercés pel compliment, ben apreciat!
#4 Es çò que sonam la convergéncia amb l'Occitània miègjornala, valent a dire lo Principat de Catalonha e las comarcas dels Balears e de València. Sénher, jogatz lo jòc dels anti-normistas.
#2 Vertat es que Cassinhac balha pas que genièr, es probablament, tanben, la causida del diccionari de botgeta. Lagarda balha genièr e janvièr, Mistral met en primièr la fòrma janvié qu'es la pus pròche del latin januarius, la sola qu'aji entenduda e segurament la pus espandida. Mas los Catalans díson gener ...
Felicitacions per vòstra inspiracion. Los comentaris èran dejà la part la pus interessanta de Jornalet, de mercé vos ne ven encara mai.
Personalament, me trufi de totes los unifòrmes e de tot uniformisme…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari