Actualitats
Tornarmai los viatges en zepelin
Una societat britanica a prepausat d’inaugurar una tièra de vòls de corta distància a partir de 2025
Tèxte legit
Los viatges en zepelin poirián tornar lèu-lèu. La societat britanica Hybrid Air Vehicles a prepausat d’inaugurar una tièra de vòls de corta distància a partir de 2025 coma Barcelona-Palma, Belfast-Liverpool, Òslo-Estocòlme o Seattle-Vancouver. S’agís de trajèctes d’entre 200 e 300 quilomètres de distància. La societat a calculat que lo temps de viatge es d’aperaquí quatre oras, tant en dirigible coma en avion se comptam lo temps de desplaçament dins los aeropòrts e las espèras.
Mas es la reduccion de la pollucion que fa venir mai interessanta la proposicion. Los Airlanders —aital lor dison als dirigibles d’Hybrid Air Vehicles— produson sonque l’8,06% del CO2 que l’emet un avion. A mai, per 2030 es previst un aparelh completament electric.
Los zepelins tenguèron lor bèla epòca dins los primièrs tres decennis del sègle XX fins a l’incendi de l’Hindenburg en 1937. A partir d’alavetz an agut una foncion segondària dins l’encastre del transpòrt, amb d’aplicacions mai que mai en publicitat, mas pas brica dins lo transpòrt de las mèrças ni dels passatgièrs. Ça que la, dins qualques annadas, poirián tornar percórrer lo cèl coma fa un sègle.
Mas es la reduccion de la pollucion que fa venir mai interessanta la proposicion. Los Airlanders —aital lor dison als dirigibles d’Hybrid Air Vehicles— produson sonque l’8,06% del CO2 que l’emet un avion. A mai, per 2030 es previst un aparelh completament electric.
Los zepelins tenguèron lor bèla epòca dins los primièrs tres decennis del sègle XX fins a l’incendi de l’Hindenburg en 1937. A partir d’alavetz an agut una foncion segondària dins l’encastre del transpòrt, amb d’aplicacions mai que mai en publicitat, mas pas brica dins lo transpòrt de las mèrças ni dels passatgièrs. Ça que la, dins qualques annadas, poirián tornar percórrer lo cèl coma fa un sègle.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 The song remains the same
Se non porten un gas que non sia inflamable, jo i aniria pas. La gent s'enrecorda d'aquel que es pegà foc quan arribava a Nova Iorc. Quinas flamas !
#2 Cèrtas, mas d'autras lengas romanicas o non adaptan lo mot, vengut nom comun, a lor fonologia en escrivent sonque una p: lo basco, lo português (zepelim), lo català (zepelí), etc.
Zeppelin amb dos p, PAS Zepelin. Citroën, pas Citron. Renault, pas Renò. Zeppelin es un nom de familha, aquel del comte Ferdinand von Zeppelin qu'inventèt lo balon-cigara motorisat que ten son nom.
Assiau !
Un lampec e aquò de brandar coma de secas... i anirai brica !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari