Actualitats
Cornoalha: s’alestís una manifestacion per l’autogovèrn
Revendican la mesa en òbra d’un sistèma similar als d’Escòcia o de Galas
Tèxte legit
Lo nou movement sobeiranista de Cornoalha crida a manifestar per l’autogovèrn del país lo 9 d’octòbre venent, çò rapòrta Nationalia. La marcha es convocada pel collectiu AUOB Kernow, que s’inspira de las associacions escocesa e galesa de sigla identica.
Per AUOB Kernow l’autonomia adobariá qualques problèmas de Cornoalha, coma lo còst de vida al país, l’aument de las residéncias segondàrias o la concentracion de la riquesa a Londres. Las doas administracions pròprias de Cornoalha —lo Conselh de Cornoalha e lo Conselh de las illas Syllan— an qualques competéncias executivas, mas non pas legislativas. Lo sobeiranisme cornic revendica la mesa en òbra d’un sistèma per Cornoalha similar als d’Escòcia o de Galas.
Dempuèi abril de 2014, lo Reialme Unit reconeis lo pòble de Cornoalha coma un membre de mai de las minoritats nacionalas e lingüisticas cèltas de l’estat, al costat dels escoceses, galeses e irlandeses. En 2015 se pachèt un transferiment de competéncias generalizat, mas totjorn “dintre Anglatèrra” e sens poders legislatius, çò que decebèt lo partit autonomista cornic.
Per AUOB Kernow l’autonomia adobariá qualques problèmas de Cornoalha, coma lo còst de vida al país, l’aument de las residéncias segondàrias o la concentracion de la riquesa a Londres. Las doas administracions pròprias de Cornoalha —lo Conselh de Cornoalha e lo Conselh de las illas Syllan— an qualques competéncias executivas, mas non pas legislativas. Lo sobeiranisme cornic revendica la mesa en òbra d’un sistèma per Cornoalha similar als d’Escòcia o de Galas.
Dempuèi abril de 2014, lo Reialme Unit reconeis lo pòble de Cornoalha coma un membre de mai de las minoritats nacionalas e lingüisticas cèltas de l’estat, al costat dels escoceses, galeses e irlandeses. En 2015 se pachèt un transferiment de competéncias generalizat, mas totjorn “dintre Anglatèrra” e sens poders legislatius, çò que decebèt lo partit autonomista cornic.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Si!, de mica en mica, però el pas ferm, que tothom comenci a caminar que això s'acosta.
Bé, pels Còrnics.
Visca la Terra...Lliure!
L'Ernest, "El Tàrrega".
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari