Bandièra01 1180x150: La Passem

Actualitats

PoliticaSocietat

Reüssida de la segonda jornada de cauma contra la reforma de las retiradas

Lo succès de las protèstas es un desfís pel president Macron e pel govèrn de sa primièra ministra

Tèxte legit

Se tenguèt ièr dimars, dins tot l’estat francés, la segonda jornada de cauma interprofessionala contra la reforma de las pensions de retirada anonciada pel govèrn d’Élisabeth Borne, que recuola l’edat de retirada a 64 ans. Sens donadas oficialas, s’estima que la participacion es estada quitament mai nombrosa que la del 20 de genièr passat. Entre 1 e 1,2 milion de personas se serián mobilizadas a l’entorn d’unas 250 manifestacions, dont dins las principalas vilas occitanas.
 
La reüssida de las protèstas es un desfís pel president Macron e pel govèrn de sa primièra ministra; tornarmai de barrèt de gasolinièras e d’escòlas, se creèt de grèus trebolums dins lo transpòrt ferroviari e se demesiguèt fòrça la produccion d’electricitat. Lo sindicat CGT indicava ièr de matin que totas las rafinariás de Total Énergies avián interromput la produccion e lo provesiment pr’amor qu’entre lo 75% e lo 100% del personal segondavan la cauma. Quant a la produccion d’electricitat, la davalada de la jornada es l’equivalent a la produccion de tres centralas nuclearas.
 
Dins l’educacion, lo ministèri rapòrta un 26% de classas barradas al primari e un 25% al segondari. Pasmens, aquelas donadas seguisson una tecnica de manipòla que consistís a comptar sonque los que se constata que trabalhan pas a 8h, sens prene en compte los ensenhaires que començan a 9h, 10h o 13h.
 
Lo Ministèri de l’Interior mobilizèt 11 000 policièrs e gendarmas, un milièr de mai que dins la protèsta del 19 de genièr.
 
La reforma de las pensions de retirada compta pas sul sosten popular. Dins l’Assemblada Nacionala francesa, los partits d’esquèrra, l’extrèma drecha e quitament qualques deputats conservators dels Republicans s’i opausan. Lo govèrn compta justament suls Republicans per que s’apròve aquela lei.

 
 
 
 
 
 
 
 
 

 
abonar los amics de Jornalet
 
 

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Farda lorda
11.

#10
Es pas lo Chinchon que chifra es la cors dels comptes de la republica.

Alavetz per l’umanitat en frança las prestacions socialas representan 35% del PIB per 2020 se s’i apond lo fonccionament del d’aquòs es 38% del PIB.

Rapòrt als autres país d’europa sèm los bels primièrs ambe 872 Milhards d’euros, s’enseguisson
Danemarc, Finlàndia, Austria, Alemanha eca la mejana dins los 28 país U.E es a 22% del PIB e sèm a 16 punts de mai que la mejana.

Vertat que tot lo mond nos envetja aquel meravilhós sistèm, pr’aquò degun n’en vòl e se demandan cossi pòt virar atal.

Costat umanitat tanben lo calcul de las pensions de retirada disparièr se n’en fusquèc, l’egalitat òc ben mas pas per totis.

Mas segur cal pas parlar chifras milhor es de far al det banhat o a vista de nas…

  • 2
  • 0
Pitaluga
10.

#5
A ! Quand lo det vos prusís de tustar sus la calculeta !
La macronalha nos fot pel morre de numèros a bodre.
Tant mai i a de chifras tant mens i a d'umanitat.

  • 3
  • 0
Farda lorda
9.

#8

Pensi pas coma tu e es pas lo bon razonament pensi.
Es pas la pena de contunhar de tot biais sarèm jamai d'un meteis vejaire.

Per l'ora avèm aquela lei de Macron que vòl anar mai d'aviat que la lei de Touraine.

Punt.

Se la lei macron passa pas, damorarà la lei Touraine pels bons amics d'esquèrra de hollande qu'ela es ja votada e en camin.

  • 1
  • 0
Franc Bardòu
8.

#7 Se quitam d'importar a grand còst en carbona de bens fabregats per d'esclaus a l'autra man de mond per enriquir d'accionaris internacionals, se que n'aurem de tebalh de complir sus plaça : tornarem fabregar çò qu'avèm quitat d'autoritat de fabregar per delagar tot lo daquòs a diu sap ont. Bastarà de tornar fabregar aicí çò que quitarem d'importar. Non es pas tant complicat qu'aquò, totun. E los nòstres responsables entreprenerials, mai que de desengatjar miliards de beneficis se deuràn contentar, los paures eles, de centenats de milions…

  • 7
  • 2
Farda lorda
7.

#6

Recrutar man d'obra es lo rebomtit d'aver de trabalh, s'as pas de trabalh auràs pas de recrutar.

E per l'injusticia sul calculs de las pensions ?


Veses iò te torni tot al refar (mettre à plat), un calcul sus las detz mihonas annadas, puèi fai una mescla de reparticion ambe de capitalizacion.

Jaurès el meteis s'acantava per la capitalizacion

https://www.slate.fr/story/186350/reforme-retraites-jean-jaures-capitalisation-versus-repartition

  • 6
  • 6

Escriu un comentari sus aqueste article