Actualitats
Dempuèi dimècres passat, los peatges son pus cars en tota Occitània
Lo ministre francés de las finanças a estofat un rapòrt de l’Inspeccion de las Finanças que desvelava los superprofièches dels concessionaris d’autoestradas
Tèxte legit
Sus aqueste ligam podètz consultar los prèses dels peatges.
Per atenuar la factura dels automobilistas, los concessionaris an anonciat de gèstes comercials. Vinci, que pertòca gaireben tota Occitània, a decidit de blocar lo prètz del 70% dels trajèctes de mens de 30 km de son ret, sustot “al benefici dels desplaçaments domicili-trabalh”. A mai, aumenta la remesa pels que son abonats al telepeatge e fan lo meteis trajècte almens dètz còps per mes; passarà del 30% al 40%.
Superprofièch dels concessionaris de las autoestradas
Mas aqueles gestes deurián pas amagar los superprofièches dels concessionaris de las autoestradas. Lo 25 de genièr, Le Canard enchaîné revelava que lo ministre de las finanças, Bruno Le Maire, aviá estofat un rapòrt de l’Inspeccion de las Finanças que desvelava los superprofièches dels concessionaris d’autoestradas e prepausava de baissar los peatges d’un 60 % suls dos tèrces del ret.
Bruno Le Maire, a étouffé un rapport de l'Inspection des Finances qui décortiquait les superprofits des concessionnaires d'autoroutes et proposait de baisser les péages de… 60 % sur les deux tiers du réseau#péagesautoroutes#BrunoLeMairehttps://t.co/Tpwe6OBCXapic.twitter.com/m5a4D9Pzei
— Le Canard enchaîné (@canardenchaine) January 25, 2023
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 La fiscalitat es lo solet mejan (a despart de la violéncia, generalement contraproductiva e dramatica) de luchar contra las injustificablas inegalitats.
Vertat es que las taxas, quinas que sián, son una orror, ja que los paures pagaràn lo meteis prètz que los rics. Mentre que pels segon, aquò serà posca, pels primièrs, serà una talha suplementària qu'a justa rason vos bota lo descòr.
Mas atencion : un país sense fiscalitat es un país sense mejans d'accion. E donc los elegits d'un tal país non i pòdon mai decidir de res, ja que non an cap mai mejan d'i decidir la politica. Ja que los mejans d'una politica sociala sempre serà la moneda, arrancada a l'egoïsme dels mai rics al profièit solidari de totes e cadun. Sense cap mai fiscalitat, es aital que nos retrobam amb de "socialistas de dreita" e una democracia qu'a gafada la maganha ; e es per aiçò los paures non i vòtan mai, quand son pas vengut pro ignorants per s'anar pèrdre a votar contra los mai grands enemics de tota democracia autentica : l'ultradreita…
E un escandre de mai : las estradas grandas bastidas per l’estat ambe los impaus nòstres , puèi vendudas al privat que contunha de nos far pagar ambe taxas ambe la lèuda çò qu’avèm crompat.
Es una vièlha costuma francimanda , tot es taxat e en mai te cal pagar la TVA qu’es una taxa sus las taxas remirable
La gasolina 60-65% de taxas
EDF 5,5% de tva sus l’abonament, 5,5% sus la CTA que servís per pagar la retirada dels agents EDF
E 20% de tva sus lo Consum e sus TICFE / CSPE las taxas sus las taxas.
L'estat goduflat es pertot una orror
Paga que pagaràs!
Mai polida la vida trobaràs enluòc !
A l'Edat MEjan ja o sabi´æn los nòbles : fasián pagar l'autreg, lo dreit de passatge. Vos i asseguravan, en escambi, la securitat. Òc,… e lo dangièr, èra elas meteisses, amb lors armas e lor abséncia d'escrupuls.
Uèi, avèm evoluït : avèm los accionaris, qu'emai sense armas, los nos cal totun engraissar, non ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari