Lo combatent nimesenc d’MMA (Arts Marcialas Mixtas) Benoît Saint-Denis, que ven d’emportar son quinzen combat a Nòva York, a denonciat vigorosament l’utilizacion de son imatge per l’extrèma drecha, çò rapòrta Libération. Lo gropuscul identitari Argos, eiretièr de la dissolguda Generacion identitària, a organizat un jòc-concors sus Twitter, esplechant la notorietat del combatent pendent son recent combat contra l’estatsunidenc Matt Frevola.

Laura Saint-Denis, esposa de Benoît, a respondut sul pic a aquela temptativa, en qualificant l’utilizacion de l’imatge de son marit de “fraudulosa e non autorizada”, en assolidant que Benoît es “opausat als discorses d’aquel grop” e en criticant la manca de coratge d’Argos per aver pas mençonat lo compte de Benoît Saint-Denis dins lor fiulada sus X, abans Twitter.

Laura Saint-Denis a tanben exprimit, en seguida d’un vidèo del mèdia en linha Loopsider son malcontentament de cap als mèdias qu’an associat l’imatge de l’esportiu nimesenc a l’extrèma drecha.

💥🥊 Le combattant de MMA Benoît Saint-Denis met un direct à l’extrême droite

Le champion français, ancien militaire, dénonce la récupération de son image par un groupuscule suprémaciste. Lire : https://t.co/sfPb8mLzby

— Libération (@libe) November 14, 2023