Bandièra01 1180x150: Comuna de Tolosa

Actualitats

Rémi Fraisse: nada fauta professionala dels gendarmas, çò ditz l’enquèsta administrativa

La mòrt del jove manifestant ecologista occitan Rémi Fraisse, tuat, durant la nuèch del 25 al 26 d’octòbre passat, per una granada ofensiva lançada per un gendarma dins d’acaraments en relacion amb la restanca de Sivens, contunha de pausar de questions

| Miquèl Béchereau
Lo 2 de decembre, l’enquèsta administrativa, fisada a l’Inspeccion Generala de la Gendarmariá Nacionala (IGGN), ven de conclure que las fòrças de l’òrdre cometèron pas nada “fauta professionala” del ponch de vista del respècte dels procediments e de la deontologia.

Dins son rapòrt, segon lo jornal Le Monde, l’IGGN precisa lo debanament dels faches del ponch de vista dels gendarmas, una escalada que comencèt amb lo mandadís de projectils per un cinquantenat de manifestants, a 0h25, al qual respondèron las fòrças de l’òrdre, après avertir los protestaires, en lor lançar de granadas lacrimogènas a 0h49. A l’entorn d’1h40, i aguèt mai de manifestants, e un gendarma bandiguèt “en campana” al dessús del grasilhatge d’1,80 mètre una granada sus un grop qu’aviá localizat e, çò diguèt, prevengut. La granada esclatèt e un protestaire —Rémi Fraisse— tombèt al sòl, mas al gendarma li semblèt pas que i aguèsse una relacion entre los dos faches. Las fòrças de l’òrdre portèron puèi socors a Rémi Fraisse, constatèron sus son còrs una nafradura importanta dins lo naut de l’esquina, e los pompièrs lo declarèron mòrt a 2h17.

Lo rapòrt de l’IGGN precisa tanben lo nombre de granadas e de projectils que los gendarmas lancèron: 237 granadas lacrimogènas, 41 balas de defensa, 38 granadas F4 (lacrimogènas amb efièch de buf) e 27 granadas ofensivas (efièch de buf).
Davant la comission de las leis dels deputats franceses, lo cap de l’IGGN precisèt totun que venguèra “a l’enquèsta judiciària de determinar l’exacta responsabilitat e lo gra de responsabilitat imputable al lançaire” de la granada ofensiva que tuèt Rémi Fraisse.
Ramentem que lo ministre de l’Interior, En Bernard Cazeneuve, s’excusèt pas jamai de la mòrt del jove manifestant occitan.




GJB

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Emmanuèl Isopet
13.

Per informacion, vaqui la conclusion del raport en question :
"Il ressort clairement que la mort de Rémi Fraisse est imputable à l'explosion d'une grenade offensive. L'information judiciaire en cours déterminera les responsabilités."

  • 0
  • 0
Gerard Joan Barceló Pèiralata
11.

#10 Òc, "estat policièr" me sembla una bona definicion.

  • 2
  • 0
Joan Francés Blanc
10.

França es un estat policier, e la "gaucha" al poder a pas jamai res fach per cambiar aquo (quitament quand Charles Hernu melhoret los lotjaments dels gendarmas, aquò empachèt pas lo chaple d'Ovea). Las darrieras leis antiterroristas votadas pels deputats socialistas refortisson encara aquel estat e los aparelhs repressius. E, los foncionaris, avetz pas remarcat lo silenci (e l'absencia de rampelada al "dever de reserva") del poder que daissa s'exprimir dins los medis los sindicats de policiers clarament d'extrema drecha?

  • 6
  • 0
Terric Lausa Quilhan
9.

#8

I a pas problèm. Vos podètz encolerar contra los meius argument. Pauc me fa, del moment que los arguments tomban pas dins las sagetas personalas.

Vodriái dire que coma foncionari de l'estat, aürosament me sentissi pas cap d'obligacion morala d'aimar mon patron. Es pas demandat a degun de presar l'accion del patron. Vesi pas perqué mon trabalh m'obligariá a èsser d'acòrdi amb l'accion de l'estat francés. Li devi pas res e el tanpauc. Li dòni de temps e de competéncias e el me paga per aquò far. Punt. S'ai plan comprés cossí las causas foncionan, l'estat francés es laíc. Aquò me va: soi pas obligat de venerar l'estat coma un Dieu. Aconselhi a totòm de far çò meteis. Personalament, ieu me foti completament s'aimatz o pas vòstre patron e vos meti pas en causa per aquò.

Aprèp m'enauci en fals quand disètz que tèni d'òdi contra l'estat. Es pas vertat. Ai pas cap d'òdi en ieu contra l'esta francés, contra pas res ni degun ça que la. Se volètz saber exacatament çò que pensi de l'estat francés vos dirai que tèni per el lo meteis respècte que lo respècte qu'el ten pel pòble occitan, lo País Occitan e la lenga occitana.

Per çò de la premeditacion, caldriá pas doblidar que los gendarmas tenián a posita de centenas de granadas letalas. Son pas tombadas del cèl al moment de las gitar sul copet de Romièg Fraisse. Se deman me passegi per carrièras amb un pistolet sens preveire de me'n servir e qu'accidentalament tui qualqu'un, seriá pas aquò un acte premedidat, doncas un assassinat? Bon èra un supausicion: ai pas cap de pistolet. Las armas de fòc me fan orror.

Los gendarmas defendon lor bocin de carn. Es normal. Mas ieu soi pas obligat d'engolir aquesta vergonhosa propaganda indigna d'un país que se s'autobateja democracia.

  • 3
  • 0

Escriu un comentari sus aqueste article