Luke Aikins es lo sautaire coratjós—o temerari— que faguèt dissabte lo recòrd de saut sens cap de paracasuda. Concrètament sautèt sèt quilomètres e mièg dempuèi un avionet e tombèt sus un ret gigant qu’avián installat amb quatre grandas gruas a Simi Valley, en Califòrnia.
 
Lo sautaire estatsunidenc a 42 ans e a realizat mai de 18 000 sauts. Ara “a culminat una carrièra professionala de 26 ans amb un saut qu’implica un recòrd mondial e personal”, çò expliquèt lo sieu representant, Justin Aclin. L’altitud totala del saut se fixèt exactament a 7620 mètres.
 
Aikins sautèt amb una masca a oxigèn e acompanhat de tres paracasudistas que l’ajudèron a manténer la direccion del saut fins als mètres finals. Per facilitar sa proesa, avián installat qualques lums sul ret per confirmar que tombava dins la direccion corrècta. La casuda durèt unas doas minutas e mièja.