"Er esclau erós qu'ei eth mès gran enemic dera libertat", çò didie eth dessenhaire Asisko Urmeneta. E ei en aguest encastre que presente era sua darrèra òbra, ua parodia satírica dera realitat basca e de toti es pòbles colonizadi. Totun damb ua fin erosa. Atau, mejançant era terapia dera umor, Asisko mos prepause de hèr a vier era autoestima tà toti es que de bèra manèra, viuem colonitzadi, o coma ditz Asisko, "robinsonizdi". Qu'anèrem tà rescontrar ar autor en Perpinhan ena escadença dera presentacion dera traduccion catalana dera òbra: Els eusclaus feliços, ei a díder, Es eusclaus erosi. Aguest còp, er #aranésòc non vos presente cap ua entrevista en lengua occitana mès ena lengua der autor, ua lengua que hè part dera istòria de Gasconha, e que, segons era Cançon de Santa Fe, la parlauen es aranesi ena Nauta Edat Mejana.