editorial
Vòts de la còla de Jornalet per 2021
Comença lèu una nòva annada e coma d’abitud es ora d’exprimir los bons vòts per l’an 2021, que forçadament serà melhor que 2020. Desiram que siá un bon an per Occitània, que cresca lo nombre de ciutadans que desiran de recobrar la lenga e la cultura del país e tanben lors noms pròpris. Per tant, esperam que se dobrisca mai de Calandretas, se faga mai d'occitan dins las escòlas publicas e que l'ÒPLO decidisca enfin de finançar los mèdias en lenga occitana.
Per quant a França e son govèrn, n’esperam puslèu paucas causas, mas cresèm d’aver rason d'exigir que respècte la decision del Senat de restablir la Lei Molac, que ratifique la Carta Europèa de las Lengas Regionalas e Minoritàrias e que rectifique sas politicas lingüicidas e culturicidas en tot reparar lo mal fach. 2021 seriá un bon moment per que la Republica francesa s’avise que sèm al sègle XXI e accèpte Unicode per tal que los enfants nomenats Loís, Fañch o Núria pòscan escriure oficialament lors prenoms.
En çò que tanh a la Val d'Aran, nos cal reconéisser qu’esperam sustot que lo país de cap de Garona vendrà enfin lo far d’una Occitània mens alienada e mai liura e sobeirana. Desiram que lo govèrn aranés s'engane pas d'enemic e prenga en compte qu’es lo Parlament de Catalonha qu’a reconegut lo drech a l’autodeterminacion del pòble aranés e l’oficialitat de la lenga del país, e que foguèt la Generalitat de Catalonha que restaurèt lo Conselh General d’Aran 157 ans après que l’estat espanhòl l’aguèt abolit. Desiram tanplan qu'Aran, coma la rèsta d'Occitània, aja l'astre, l'escasença e la fòrça de superar la crisi sanitària e economica e siá tornarmai un país ric en totes los aspèctes.
A Catalonha, li desiram que tròbe enfin lo coratge de l'unitat per aplicar lo mandat popular del primièr d'octòbre de 2017 e venga un estat independent que siá un sosten per las revendicacions occitanistas.
A l'Union Europèa, li desiram qu'enfin decidisca d'aplicar a l'interior tot çò que recomanda o exigís a l'exterior: reconeissença de las minoritats, respècte per las lengas autoctònas e los dreches umans, etc.
Bona annada!
Per quant a França e son govèrn, n’esperam puslèu paucas causas, mas cresèm d’aver rason d'exigir que respècte la decision del Senat de restablir la Lei Molac, que ratifique la Carta Europèa de las Lengas Regionalas e Minoritàrias e que rectifique sas politicas lingüicidas e culturicidas en tot reparar lo mal fach. 2021 seriá un bon moment per que la Republica francesa s’avise que sèm al sègle XXI e accèpte Unicode per tal que los enfants nomenats Loís, Fañch o Núria pòscan escriure oficialament lors prenoms.
En çò que tanh a la Val d'Aran, nos cal reconéisser qu’esperam sustot que lo país de cap de Garona vendrà enfin lo far d’una Occitània mens alienada e mai liura e sobeirana. Desiram que lo govèrn aranés s'engane pas d'enemic e prenga en compte qu’es lo Parlament de Catalonha qu’a reconegut lo drech a l’autodeterminacion del pòble aranés e l’oficialitat de la lenga del país, e que foguèt la Generalitat de Catalonha que restaurèt lo Conselh General d’Aran 157 ans après que l’estat espanhòl l’aguèt abolit. Desiram tanplan qu'Aran, coma la rèsta d'Occitània, aja l'astre, l'escasença e la fòrça de superar la crisi sanitària e economica e siá tornarmai un país ric en totes los aspèctes.
A Catalonha, li desiram que tròbe enfin lo coratge de l'unitat per aplicar lo mandat popular del primièr d'octòbre de 2017 e venga un estat independent que siá un sosten per las revendicacions occitanistas.
A l'Union Europèa, li desiram qu'enfin decidisca d'aplicar a l'interior tot çò que recomanda o exigís a l'exterior: reconeissença de las minoritats, respècte per las lengas autoctònas e los dreches umans, etc.
Bona annada!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Bona annada e longa vida al Jornalet, esplech indispensable de l'accion occitana.
Bonna Annada Jornalet !
E l'an que ven,
Se sèm pas mai,
Que siam pas mens !
#4 Autant de votes negatius, autant de pecs enta praticar l’occitan devant l’ordinator!
Desbrombetz pas la musseliera totun enta praticar l’occitan virtuau!
Se voletz praticar dambe jo que’m devetz amuishar çaquela lo passeport vacinal!
#3 Praubòt tu, parlants occitan dab la musselièira e confinat dens l’ostau!
Libertat entà parlar dab lo zoom!
Libertat entà anar respectar los dus mètres de distanciacion enter èstres humans!
Libertat entà estar un transhuman occitan!
#1
"la lenga occitana a pas d'importança. Çò que compta es nòstra libertat..."
? ? ? ? ?
Quala libertat ? ? ? Libertat de qué ? ? ?
Praubòt ! ! !
Mès la lenga occitana ES nosauts , ES nòsta LIBERTAT, nòsta quita libertat .
Praubòt !
Escotatz Nadau cantar lo nòste "de cap tà l'immortèla" : "La libertat qu'ei lo camin".
Tornarz legir lo Bernat Lesfargas en lo son poèma tan presat "Catalonha", que parla de nosauts Occitans : "bevi una aiga freja per estancar ma set" // "lo pan, l'amor, la libertat en drecha lenga catalana"...
Praubòt !
Tornatz cantar "l'immortèla" cada matin ...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari