Bandièra01 1180x150: País Invisible

editorial

Una nòva estapa per Jornalet

Una nòva estapa per Jornalet
Una nòva estapa per Jornalet

Jornalet, quotidian occitan d'informacions, comença ongan una nòva estapa, dins son dotzen an d'existéncia. Après aver anonciat qu’intrariam dins una pausa de reflexion, aquela ibernacion es pas arribada gràcias al fach que nos son arribadas d’idèas e de proposicions interessantas que nos an portat de vam e de coratge. Manca, totun, las ressorsas financièras que contunham de recercar.

Començam, doncas, amb de nòus membres tant dins la còla de redaccion coma dins la de comunicacion e estrategia. Aqueles refortiments jonhon nòstres ja competents cap-redactor, collaboradors, corrector e locutor, en creant una còla dinamica, especializada, divèrsa e engatjada. Avèm tanplan renovelat lo sistèma d’organizacion del trabalh.

Reconeissèm que los cambiaments son ja evidents. Benlèu los legeires auretz remarcat una reduccion dins lo volum d’actualitats publicadas cada jorn: aquel ajustament es una part conscienta de nòstra estrategia per garentir una distribucion mai equitabla del trabalh, en nos permetent de manténer la qualitat dels contenguts mentre que cercam d’espandir la còla e de trobar de ressorsas economicas.

Vos grandmercejam per vòstra paciéncia e vòstre sosten mentre qu’entamenam aquesta nòva estapa. Amb l’engatjament renovelat e lo sosten continú de nòstres legeires, aspiram a créisser e evoluir per contunhar de prepausar cada jorn d’informacions, d’opinions e tota mena de contenguts en lenga occitana.

Avèm tostemps talent de bastir quicòm ensems en occitan. Mercés plan per far partida d’aqueste viatge.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

ltrobat
1.

Bona annada a l'equipa deu Jornalet e òsca peu vòste tribalh.

  • 26
  • 4

Escriu un comentari sus aqueste article