Bandièra01 1180x150: Comuna de Tolosa

Actualitats

InternacionalPoliticaSocietat

Entre 9 e 13 ans de preson pels lidèrs independentistas catalans

Es publicat lo verdicte contra los presonièrs politics catalans en preson preventiva dempuèi dos ans e jutjats ongan

Ara se coneis lo verdicte contra los presonièrs politics catalans en preson preventiva dempuèi dos ans e jutjats ongan. La senténcia contra aqueles dotze elegits e lidèrs independentistas catalans —dont nòu son en preson preventiva— l'an facha venir publica uèi. Cada acusat recebrà en man un exemplar del verdicte. Son reconeguts colpables de sedicion amb de penas de 13 ans de preson per Oriol Junqueras, 12 ans per Jordi Turull, Raül Romeva, Dolors Bassa, 10 ans per Josep Rull, Joaquim Forn, 11 ans per Carme Forcadell, e 9 ans per Jordi Cuixart e Jordi Sànchez. Aquela senténcia marca la fin d’un procès judiciari plen d’irregularitats e de denóncias de violacions dels dreches dels acusats.

Los autres sèt presonièrs detenguts en setembre passat son dins una preson de Madrid dins un regim d’isolament. En Catalonha l’indignacion es màger, de mobilizacions an començat mas se’n preveson fòrça mai. L’estat espanhòl es a transferir d’agents de la polícia nacionala e de la gàrdia civila en Catalonha per una operacion coordenada amb la polícia catalana per evitar las nombrosas protèstas que se preparan.

L'indignacion populara es màger. De manifestacions espontanèas se tenon per Catalonha tota, se prevei de mobilizacions de mai en mai grandas. En Aran an cridat a manifestar a 20h sus la plaça de Vielha.




Vilaweb rapòrta en dirècte tota l'avalanca de protèstas que se debanan uèi als Païses Catalans.

 


 
    
fffff fffff
 Quins son ara los perseguits politics catalans?
 
La Cort Suprèma espanhòla a jutjats los elegits seguents: Dolors Bassa, Toni Comín, Jordi Cuixart, Carme Forcadell, Joaquim Forn, Oriol Junqueras, Clara Ponsatí, Carles Puigdemont, Raül Romeva, Marta Rovira, Josep Rull, Jordi Sànchez, Jordi Turull; Meritxell Borràs, Carles Mundó, Lluís Puig, Meritxell Serret, Santi Vila;
 
Jutjats per desobesissença: Ramona Barrufet, l’occitana Mireia Boya, Lluís Corominas, Anna Gabriel, Lluís Guinó, Joan Josep Nuet, Anna Simó.
 
Quasi totes los acusats son de caps de las listas electoralas de las tres candidaturas independentistas (Amassa per Catalonha, ÈRC e CUP) elegits a las darrièras eleccions regionalas del 21 de decembre passat.
 
D’aquestes nòu son en preson, sèt en exili e los autres seràn jutjats dins los jorns avenidors a Barcelona.

A mai son perseguits per terrorisme los joves Adrià Carrasco i Tarrés, en exili; Tamara Carrasco García en assignacion a domicili, e sèt dels nòu joves detenguts en setembre passat en preson preventiva a Madrid en regim d'isolament. Aquestes son Xavier Duch, Ferran Jolis, Eduard Garzón, Xavier Buigas, Germinal Tomas, Alexis Codina e Jordi Ros.		 
   


 

 
 
 
 

 




abonar los amics de Jornalet

 

Documents

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

AC
11.

#4

E disi als mèstres del mieu pòble : Mesfisatz-vos,
Mesfisatz-vos de la causa que ven, mesfisatz-vos del pòble soslevat,
Que prendrà ço que voliatz pas donar.

Pádraig Mac Piarais (Patrick Pearse), revolucionari irlandés, 1915

  • 11
  • 0
Lo raiòu Cevena
10.

#8 (Definicions dau Larousse)
Sédition : autrefois, soulèvement concerté et préparé contre l'autorité établie. (Il s'agissait d'un crime contre la sûreté de l'État.) Aujourd'hui, attentat, complot, mouvement insurrectionnel.
Subversif : qui est de nature à troubler ou à renverser l'ordre social ou politique.

Quan un maridatge es pas pus desirat, quan l'aparelhament de dos endividús (aicí doas entitats) es a malautejar e qu'un dals dos se l'i sent presonièr, aquel d'aquí a ben lo drech de caminar vèrs son desir, sa libertat.
Aimar l'Autre es li dire : te denegues pas, vai devèrs tu. E se la Vida li fai sentir sa plaça a costat d'aquel que li parla, vai ben. Se n'es lo contrari, a ben rason de se n'anar devèrs lo que deu èstre.
L'Estat espanhòu es segurament pas dinc l'amor dals pòples e dinc lo respèct de lur libertat de causida.

Pense que vos agradariá pas, a vos, que vos laissèsson pas liure, entre sentir que vòstra plaça es enquicòm mai... Una brava part dau pòple catalan a pas forçat sos elegits : aquò's una volontat collectiva. La vida es movement. Los Estats estent venguts tossicas, l'Autre a ben rason de causir una autra via.
Mès benlèu que Mossur "Hilh" embarra sa femna, el ? Un biais de conçaupre la libertat... ... ...

  • 14
  • 0
Robespierre A çò de Guillautin
9.

#8 «Quand le gouvernement viole les droits du peuple, l’insurrection est, pour le peuple et pour chaque portion du peuple, le plus sacré des droits et le plus indispensable des devoirs». Article 35 de la Declaracion Unversala dels Deits de l'£ome e del Ciutadan, 1793.

  • 17
  • 0
Hilh
8.

Decision normau de la justícia espanhòla, en conformitat dab los fèits. Ne j'avó pas d'arrebelion e que j'avó sedicion. Adara lo catalanisme que deu assumir qu'ei un movement subversiu, en qué sonque pòt estar beròi, e deishar de'ns condar fotiròlas miserabilistas.

  • 2
  • 25
Franc Bardòu
7.

Dos reialmes Borbons : dins un, avèm cregut qu'en compant lo cap del coronat, desliurariam los pòbles… Pensa-te ! Sèm a mand d'i crebar.

Dins l'autre, lo cap encara es en plaça, e i assitissèm donc a la lucha acarnassida d'un reialme, reialista per definicion, contra la Republica — contra la vertadièra Republica, la que reconeis la lenga e la dignitat nòstras…

  • 16
  • 0

Escriu un comentari sus aqueste article