Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc BasCostiera de Nimes

Nimes: descobèrta d’una tomba visigotica

| INRAP
Entre lo 22 de setembre e lo 3 de novembre, l’INRAP (Institut Nacionau de Recèrca Arqueologica Preventiva) revelèt un ensemble funerari de plusors sègles e una via antica.

Ja se sabiá que lo reiaume visigòt, qu’existiguèt entre lei sègles V e VIII e que sa capitala foguèt un temps Tolosa abans que li succediguèsse Toledo, aviá ocupat una granda part dau territòri sus lo quau nasquèra puei Occitània, mai aqueste còp lo jornau en linha Objectif Gard nos apren una descobèrta arqueologica màger.

Au començament de l’auton, pendent de cavaments organizats abans la bastison d’un immòble, una còla de sèt arqueològs de l’INRAP faguèron una descobèrta espectaclosa a Nimes, per la Carriera de Sant Geli: per lo primier còp s’identifiquèt una tomba visigotica del sègle VI, qu’es l’indici de l’existéncia d’un cementèri dei visigòts dins la vila mai coneguda per son patrimòni galloroman.

De biais mai anecdotic, sus lo sit dei cavaments leis arqueològs trobèron leis armas d’un guerrier galés, una estèla consagrada a un gladiator e un vintenat de tombas galloromanas, lei mai ancianas dei qualas datan de l’epòca de la republica romana, entre lei sègles III e Ir abans Jèsus-Crist, mai çò mai fondamentau es que, coma èra l’usatge a l’epòca, totei son lòng d’una via antica entre Nimes e l’anciana vila d’Espeiran, pròche Sant Geli, lo traçat de la quala tanben se descobriguèt.

Maugrat l’interès d’aquelei cavaments, l’immòble de 18 lotjaments se poirà pasmens bastir, puei que lei cercaires an fach lei prelevaments necessaris a l’analisi arqueologica.

Amb la descobèrta d’aquela tomba visigotica, se vei que leis occitans coneissèm pas encara tota la riquesa de nòstre patrimòni en generau e de la cultura dei visigòts en particular.

 

GJB

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Piroulet
6.

#3 Òu! Me prestèron lo "Da Vinci code" -èri pas tant piòt per lo crompar- a una epòca que totes te disián que lo caliá legir e vegèri que, coma m'i esperavi, es una brava colhonada. S'escasèt que pauc après trapèri dos autres libres que rebalavan per los que descobriguèri que i a tota una produccion sus aquela filiacion Jesús-Visigòts, los secret del Vatican e Renas-lo-Castèl. E aquò marcha. E fin finala, se qualqu'un que sap contar de cracas nos vòl portar de legeires nòus en occitan, perqué pas!

  • 1
  • 0
Joan Francés Blanc
5.

Una rason de las bonas de sonar la region novèla Gotia o quitament Visigotia, e de renommar PACA en Ostrogotia, qu'entre lo Vauzelle, l'Estroni e la familha LP, i n'a d'ostrogòts aval! :)

  • 2
  • 0
Joan Francés Blanc
4.

Una rason de las bonas de sonar la region novèla Gotia o quitament Visigotia, e de renommar PACA en Ostrogotia, qu'entre lo Vauzelle, l'Estroni e la familha LP, i n'a d'ostrogòts aval! :)

  • 2
  • 0
Danièl Maurèl Nimes
3.

Paures d'unes de nosautres qu' esperan encara lo Messias (ja vengut ) amb un Dan Brown de las bonas ...enganas ! " De pan e de jòcs pel pòble" çai sèm encara . Mas sèm los descendents dels visigòts e d'autres mescladis antropologics ; vaqui la riquesa nòstra e la de tota la Tèrra.

  • 3
  • 0
Víctor Capdet Vilanova i la Geltrú, Catalonha.
2.

Es per far un bon roman. Qualque escrivan occitan que se decidisca e benlèu se farà famós e a l'encòp ajudariá fòrça en la difusion de la lenga.

  • 7
  • 0

Escriu un comentari sus aqueste article