CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimenge, 15 de setembre

Actualitats

Diluns, 30 de julhet de 2018, 00h00 Lenga,Societat

Gasconha > Val d'Aran

Aran: Lourdes Bruna qu'a guanhat eth prèmi Lengua Viua 2018

Era senténcia deth Tribunau Constitucionau contra er usatge prioritari der occitan qu'a mercat enguan era revendicacion dera corsa Aran per sa Lengua


Comentaris 3 comentaris    
Marrit Flac Bon Plan bon Fabulós (6 vòtes)
carregant En cargar


Lourdes Bruna qu'a guanhat eth prèmi Lengua Viua autrejat ena ocasion dera 25u edicion dera corsa Aran per sa Lengua, realizada en Aran aguest dimenge passat. As sòns 17 ans d'edat, Bruna s'ei distinguida per èster era prumèra persona qu'a revendicat eth sòn dret de hèr er examen d'accès ara universitat en occitan. “Sonque è estat era prumèra, beth un auie d'èster, ara demoregam que se presente molta mès gent e que s'incentive mès des der Institut tà hèr bèth examèn en aranés, sustot en bachelierat”, çò a dit ara còlha de Jornalet.
 
Enguan Lengua Viua qu'a autrejat es sòn dus prèmis as mès joeni. En aguest sens, Aleix Filloy Cavero qu'a guanhat eth prèmi deth dessenh dera samarreta, era principau hònt de sòs entà finançar er eveniment, qu'enguan a auut fòrça succès e agotant totes es sues existéncies en tot deishar sonque es talhes tà enfants.
 
 
“Enguan auem tornat a èster caushigats”
 
Era senténcia deth Tribunau Constitucionau contra er usatge prioritari der occitan en Aran qu'a mercat enguan era revendicacion dera corsa Aran per sa Lengua. Un eveniment que comencèc hè 25 ans tanben en tot revendicar era escòla ena lengua deth país “hè 25 ans comencèrem pr'amor que mos caushiguèren ben era nòsta lengua perque ei quan volérem implantar ena escòla er aranés e quauquarrés non i siguec d'acòrd”, çò a dit a Jornalet Rosa Maria Salgueiro, presidenta dera Fondacion Musèu dera Val d'Aran, organisme a on aparten Lengua Viua. “Enguan auem tornat a èster caushigats, en prumèr lòc per trèir dera Lei d'Aran er usatge, e dempús pes paraules deth ministre d'educacion e cultura”, çò apondèt Salgueiro en referéncia as declaracions de Méndez de Vigo de hereuèr passat. Rebrembam que quauqui dies dempús qu’eth Tribunau Constitucionau espanhòu cancelèsse era prioritat dera lengua occitana en Aran, eth ministre dera educacion e dera cultura espanhòu, Íñigo Méndez de Vigo, que se’n trufèc en dident qu’eth solet risc qu’auien es que parlen aranés èren es lauegi.
 
 
Era corsa Aran per sa Lengua
 
Era corsa Aran per sa Lengua qu'ei actuauments er eveniment annau mès demorat e seguit deth país de cap de Garona. Milèrs d’aranesi reclamen er usatge sociau dera lengua occitana en ua jornada revendicatiua, esportiua e hestiua. Cada darrèr dimenge de junhsèga, caminaires e correires que gessen de Les, de Montgarri o deth Pòrt de Vielha e que s’amassen ath ser ena plaça de Vielha. Aquiu que se i amassen normauments un milèr de persones, e dempús des actes e des discorsi, un brave e animat concèrt de Nadau que claue ua jornada que cada an ven istorica.
 
 
Partejar era corsa sus Facebook
 
Enguan, ara ocasion deth 25u anniversari, Lengua Viua qu'a lançat ua crida a toti es participaires entà partejar toti es moments dera jornada. En aguest sens, qu'an demanat de publicar ena pagina Facebook de Lengua Viua totes es fòtos, vidèos, imatges, etc. sus eth desvolopament dera corsa en tot caminar, en es moments de pòsa, ara ora deth dinnar popular...
 
“Imatges que siguen ua mòstra dera hèsta dera nòsta lengua e der esperit que toti viuem eth dia dera Corsa d’Aran per sa Lengua”, çò demane era còlha de Lengua Viua deth temps que precise que non se publiquen imatges damb connotacions politiques o que non tòquen era Corsa d’Aran per sa Lengua.
 
 
 
 
ZA/FM
 
 
 


Galaria de fòtos de Zep Armentano
 




abonar los amics de Jornalet
 



publicitat
BANER1-2-3: DGPL TRADUCTOR



Comentaris

1 d'agost 21.28h

#2 Bon dia salut ! del punt de vista toponímic, tens tota la raó, és un Lorda (nom antic aquità).

El problema rau en la vida de cada dia, perquè "lorda" com adjectiu femení vol dir "bruta"(dirty/sale/sucia/sporca/schmutzig...). Molt difícil conviure amb tal nom ! Aixines, en Aran, tot i sabent-ho, es prefereix deixar-ho com Maria-Lourdes...
Interessa notar, que amb la mateixa devoció des d'un segle i escàs, els pares de Bigòrra van escollir majoritariament nomar Bernadeta a les seue... Legir mai


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

31 de julhet 22.49h

E jo que me pensava que en occitan se deia Lorda e pas Lourdes coma en franchute.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

31 de julhet 01.41h

Pòcs premis de lengua occitana que son autan mereishudi qu'aqueth que se guanha Lourdes Bruna.
Quand era joenessa amassa atau : trabalh, conciença e coratge, que podem pensar que deman eth solelh non gesserà entà d'arren.


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 31
  • sol Aush 31
  • sol Bordèu 32
  • sol Briançon 24
  • sol Caors 32
  • sol Carcassona 27
  • sol Clarmont-Ferrand 32
  • sol Confolent 31
  • sol Gap 22
  • sol La Canau 32
  • sol La Gàrdia 29
  • sol Limòtges 31
  • sol Lo Borg Sant Dalmatz 25
  • sol Lo Puèi de Velai 30
  • sol Marselha 29
  • sol Montpelhièr 28
  • sol Naut Aran 27
  • sol Niça 26
  • sol Nimes 31
  • sol Pau 29
  • sol Peireguers 32
  • sol Rodés 31
  • sol Tolon 32
  • sol Tolosa 30
  • sol Valença 32

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • Estivada 2013. © Guillem Sevilla

    Estivada 2013

  • © Franc Bardòu

    Tèrra albigesa

  • Minecraft en version occitana

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Xavi Gutiérrez Riu

    Ivèrn en Aran

  • © Laurenç Revèst

    Fòrt Maginòt de Sant Anhe

  • Gavotina marítima: trofèu d'August e vila vielha d'A Torbia

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • Asuèlhs comengeses. © Franc Bardòu

    Asuèlhs Comengeses

  • Montpelhièr. © Patrici Baccou

    Campanada d'alarma sus la situacion catastrofica ont se tròban la lenga e la cultura occitanas

  • © Celèsta Toion

    La plaja espaci de libertat? D'expression?

  • Cristòl Daurore

    Ceremonia pel 83n anniversari de Francés Fontan a Fraisse (Val Varacha)

  • © Franc Bardòu

    Coserans al còr

  • Ensag sus l’onda

    Pantais (Poèmas de Lisa Gròs sus pinturas de Christine Nicolas)

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • D.R.

    Tren e occitan

  • © Franc Bardòu

    País Bordalés

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • Uvernada Lou Dalfin 2012. ©  Cristòl Daurore

    Uvernada Lou Dalfin 2012

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)