Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc NautTolosan

Anullan la privatizacion de l'aeropòrt de Tolosa-Blanhac

La cort administrativa d'apelacion de París dona rason al collectiu antiprivatizacion, que vòl desenant far invalidar l'acte de cession a Casil Europe

| Transports Urbains Français
La cort administrativa d'apelacion de París anullèt ièr dimars la privatizacion de l'aeropòrt de Tolosa-Blanhac, estimant que lo quasèrn de las cargas de la procedura de cession dels títols de l'estat es pas estada respectada. La senténcia es arribada just al moment ont los accionaris ensajavan de se desengatjar de lors parts de l’aeropòrt en las vendent. Lo collectiu antiprivatizacion Solidaris 31 aviá ja aviat una accion davant lo tribunal de comèrci de París per que lo consòrci chinocanadenc partiguèsse “pas amb la caissa” en cas de venda.
 
Lo raportaire de la cort parisenca aviá recomandat, l'11 de març passat, l’anullacion de la privatizacion parciala de l’aeropòrt mondin. Lo raportaire considerava que “i aviá agut un vici substancial” dins la procedura de causida de l’accionari.
 
En abril de 2015, l’estat francés vendèt per 300 milions d’èuros lo 49,9% de l’aeropòrt tolosan a un consòrci chinocanadenc. Emmanuel Macron, alavetz ministre de l’economia, diguèt qu’èra pas una privatizacion mas una “dobertura del cabal”.
 
Segon l’avocat de tres sindicats opausats a la privatizacion de l’aeropòrt de Blanhac, l’ofèrta finala la faguèt sonque lo crompaire, çò que respectariá pas la procedura de privatizacion. “Lo raportaire public confirma nòstra analisi, lo quasèrn de las cargas es pas estat respectat”, çò precisava l’avocat. “Es pas encara la victòria mas una avançada significativa”.
 
 
Qui es Casil Europe?
 
Lo consòrci chinocanadenc que deten lo 49,9% de l'Aeropòrt de Tolosa Blanhac es la societat francesa Casil Europe, formada de doas societats chinesas e associada a la societat canadenca SNC Lavalin.

 
 


abonar los amics de Jornalet

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
4.

Collon! que parlas coma un parroquet. Coion

  • 2
  • 0
Topasa Deu Savés
3.

#1 E comentas pendent que la nòsta lenga es a crevar. Vergonha! au tribalh fenhant.

  • 1
  • 2
francesc palma
2.

Melhor public que privat, coma los bancs e totas las empesas.

  • 2
  • 0
JC
1.

Qu'anulan la privatisacion pendent que la nosta lenga es a crebar ! Vergonha !

  • 1
  • 4

Escriu un comentari sus aqueste article