Actualitats
Turquia: Öcalan poirà desenant recebre de vesitas periodicas de sos avocats
Encarcerat solet dempuèi 1999, èra completament isolat del Mond dempuèi 2011
An melhorat un pauc las condicions penitenciàrias d’Abdullah Öcalan, encarcerat solet dins l’illa d’Imrali dempuèi 1999 en regim d’isolament total. Tre ara, poirà recebre de vesitas periodicas de sos avocats dins la preson, çò a anonciat lo ministre turc de la justícia.
Sos avocats lo vesitèron lo 2 de mai passat e li demandèron qu’abandonèsse la cauma de la fam qu’aviá entamenada. Èra lo primièr còp que li podián far vesita dempuèi l’an 2011.
Aquela decision es arribada en plena cauma de la fam de milièrs de presonièrs curds qu’exigisson de melhoras concidions per Öcalan, e en particular que pòsca èsser vesitat per sa familha e sos avocats.
L’Oncle
Abdullah Öcalan, conegut popularament amb l’escaisnom d’Apo (l’Oncle), es lo cap que simboliza la lucha del pòble curd. Nascut lo 4 d’abril de 1948, es lo cap del Partit dels Trabalhadors de Curdistan (PKK). Acusat de "terrorisme" e de "separatisme armat", es encarcerat a perpetuitat . Aviá longtemps trabalhat, quitament de la preson estant, per una solucion negociada al conflicte armat entre lo PKK e Turquia, que desboquèsse a un acòrdi de patz e a la reconeissença de dreches politics, lingüistics e culturals pels curds. Totun, las autoritats l’isolèron del Mond. La trèva s’especèt e la pression sus Curdistan es, dempuèi alavetz, mai violenta que jamai.
Lo 27 de julhet de 2011, l’estat turc enebiguèt a sos avocats que li faguèsson vesita. Entre julhet e decembre d’aquel an, los avocats faguèron 710 demandas per lo poder veire, mas totas foguèron rebutadas.
Sos avocats lo vesitèron lo 2 de mai passat e li demandèron qu’abandonèsse la cauma de la fam qu’aviá entamenada. Èra lo primièr còp que li podián far vesita dempuèi l’an 2011.
Aquela decision es arribada en plena cauma de la fam de milièrs de presonièrs curds qu’exigisson de melhoras concidions per Öcalan, e en particular que pòsca èsser vesitat per sa familha e sos avocats.
L’Oncle
Abdullah Öcalan, conegut popularament amb l’escaisnom d’Apo (l’Oncle), es lo cap que simboliza la lucha del pòble curd. Nascut lo 4 d’abril de 1948, es lo cap del Partit dels Trabalhadors de Curdistan (PKK). Acusat de "terrorisme" e de "separatisme armat", es encarcerat a perpetuitat . Aviá longtemps trabalhat, quitament de la preson estant, per una solucion negociada al conflicte armat entre lo PKK e Turquia, que desboquèsse a un acòrdi de patz e a la reconeissença de dreches politics, lingüistics e culturals pels curds. Totun, las autoritats l’isolèron del Mond. La trèva s’especèt e la pression sus Curdistan es, dempuèi alavetz, mai violenta que jamai.
Lo 27 de julhet de 2011, l’estat turc enebiguèt a sos avocats que li faguèsson vesita. Entre julhet e decembre d’aquel an, los avocats faguèron 710 demandas per lo poder veire, mas totas foguèron rebutadas.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ocalan ja es gran té 71 an e la dictadura turca l' ha volgut levar del mieg en lo posant a una preson en una ilha fa 8 ans; ja en porta 20 anhs de preson. Las dictaduras posan als politics de las altras nacions a la preson.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari