Bandièra01 capçalera  1180x150: Botiga

Actualitats

Hong Kong: cauma generala après nòu setmanas de protèstas

Las autoritats qualifican los eveniments de revolucion e menaçan de mesuras de repression extrèmas

Après qualques setmanas de protèstas, Hong Kong visquèt dimenge passat una jornada de cauma generala inedita, coma resultat del braç de fèrre que tenon los activistas pròdemocracia e las autoritats localas e de China. La jornada se tenguèt amb d’incidents e una fòrta repression policièra. Segon los organizaires de las protèstas, la cauma atenguèt 24 sectors economics qu’amassan environ 14 000 salariats.
 
Protèstan contra la proposicion d’una lei que permetriá l’extradicion devèrs la China continentala de tota persona sospechada de cometre de delictes. Aquí, los jutges son nomenats pel Partit Comunista e los presonièrs an pas cap de garentida de respièch dels dreches umans. Aquela proposicion de lei es, per ara, en suspension a causa de las protèstas.
 
En mai d’aquò, los caumaires demandan tanben que lo govèrn de la ciutat establisca una comission independenta per metre en examen las accions de la polícia dins las darrièras protèstas, que se quiten de qualificar oficialement de “revòlta”, que se retiren las acusacions contra los manifestants detenguts e que s’establisca lo sufragi universal.
 
Fa nòu setmanas que los activistas organizan de manifestacions massissas. Aquelas protèstas an patit una fòrta repression de la polícia e mai una aumentacion de la repression amb la detencion dels prinicipals activistas del movement independentista d’Hong Kong.

 
 




 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article