Actualitats
La seleccion chilena de fotbòl refusa de jogar a causa de la crisi sociala
Los jogadors o decidiguèron dimècres passat dins una reünion e n’informèron l’Associacion Nacionala de Fotbòl Professional
Los jogadors de la seleccion chilena de fotbòl an decidit de jogar pas la partida contra la seleccion de Peró prevista per dimars que ven, 19 de novembre, a causa de la crisi sociala que la viu Chile dempuèi quatre setmanas.
Los esportius o decidiguèron dimècres passat dins una reünion e n’informèron l’Associacion Nacionala de Fotbòl Professional (ANFP). Lo seleccionaire de Chile, Reinaldo Rueda, liberèt sul pic totes los fotbolaires, que son ja a la disposicion de lors clubs respectius.
Per aquela partida, lo seleccionaire de l’esquipa chilena aviá cridat exclusivament los jogadors chilens que jògan dins de clubs estrangièrs. Aviá evitat de cridar los que jògan dins las esquipas del país car la liga de fotbòl chilena es suspenduda a causa de las protèstas socialas.
Las protèstas comencèron fa quatre setmanas a causa de la quatrena pojada del prètz de la bilheta de mètro en pauques meses, mas cresquèron rapidament fins a denonciar las inegalitats socialas. Amens 21 personas son mòrtas e n’an detengudas mai d’un milièr. L’Institut Nacional dels Dreches Umans (INDH segon la sigla en espanhòl) a recebut de denóncias per d'abuses coma de torturas e vexacions, e lo burèu de la Nauta Comissària de las Nacions Unidas pels Dreches Umans —l’èx-presidenta chilena Michelle Bachelet— a anonciat qu'enviariá doas personas al país per ne far una enquista.
Los esportius o decidiguèron dimècres passat dins una reünion e n’informèron l’Associacion Nacionala de Fotbòl Professional (ANFP). Lo seleccionaire de Chile, Reinaldo Rueda, liberèt sul pic totes los fotbolaires, que son ja a la disposicion de lors clubs respectius.
Per aquela partida, lo seleccionaire de l’esquipa chilena aviá cridat exclusivament los jogadors chilens que jògan dins de clubs estrangièrs. Aviá evitat de cridar los que jògan dins las esquipas del país car la liga de fotbòl chilena es suspenduda a causa de las protèstas socialas.
Las protèstas comencèron fa quatre setmanas a causa de la quatrena pojada del prètz de la bilheta de mètro en pauques meses, mas cresquèron rapidament fins a denonciar las inegalitats socialas. Amens 21 personas son mòrtas e n’an detengudas mai d’un milièr. L’Institut Nacional dels Dreches Umans (INDH segon la sigla en espanhòl) a recebut de denóncias per d'abuses coma de torturas e vexacions, e lo burèu de la Nauta Comissària de las Nacions Unidas pels Dreches Umans —l’èx-presidenta chilena Michelle Bachelet— a anonciat qu'enviariá doas personas al país per ne far una enquista.
Comunicado oficial sobre el partido de #LaRoja ante Perúhttps://t.co/9gA6jytsFi
— Selección Chilena (@LaRoja) November 13, 2019
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Òsca per aqueles fotbolaires qu'an una consciéncia!
Avètz remarcat? Chile: 20 mòrts e se'n parla pas que de temps en quora dins los mèdias exagonals. E son pas plan maissants amb aquel sacamand de Pinheira. En revenge, d'autres cases semblants amb mens de degalhs umans los nos servisson matin miègjorn e sèr, n'avèm dins lo cafè, dins la salada e dins la sopa!
E perqué: perque fan de rambalh per defendre la grada finança e losacrosant mercat liberal, tè!
E son los meteisses que te fan la leiçon sus las messorgas jornalisticas, coma se se podiá pas mentir per omission, qu’aquò o sabon plan far !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari