Bandièra01 1180x150: Comuna de Tolosa

Actualitats

Dètz TV a festejat sos dètz ans

Per l’ocasion an organizat una residéncia de creacion audiovisuala en occitan

| DÈTZ
Dètz TV a festejat sos dètz ans. Per l’ocasion, an entamenat la Detzada, çò es una residéncia de creacion audiovisuala en occitan per tot lo mond interessats, entre lo 5 e lo 12 de julhet al Segalar Roergàs, país conegut per sas bananas.
 
Dètz TV es un laboratòri de vidèo en lenga nòstra que nasquèt fa dètz ans de la man de dètz professionals. Pendent aquel temps la còla de Dètz an produch d’umor, de reportatges, de cronicas… an seguit los festenals occitans mai importants e fan la produccion e la realizacion audiovisuala de l’Estivada de Rodés. Al delà, son los qu’an organizat las Cogordas Awards, la ceremònia dels prèmis que guierdonan las resquilhadas mediaticas mai polidas, mespresantas e ignorantas envèrs las lengas e las culturas minorizadas.
 
A l’espèra d’un rapòrt sus la Detzada, podèm ja veire los primièrs resultats de l’eveniment amb un bèl reportatge sus la Water-Petanca e la polida accion de la patrolha de França d'Occitània pel 14 de julhet.

 

 

 
 
 
abonar los amics de Jornalet
 
 

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lafontan Tolosa
3.

Continuatz de nos far rire, mercés DETZ ......

  • 1
  • 0
Gèli Grande Lairac en Agenés
2.

Dètz emplega l'occitan d'un biais moderne !
Per contra dins la videò "La patrouille de France d'Occitanie" l'occitan es oblidat.


  • 4
  • 1
Laurenç Gavotina
1.

Onestament, milantas mercés a dètz.tv per lo sieu trabalh. En classa ajua bravament d'aver un supòrt vidèo en occitan. E elos prepausan de vidèos talament variaias e EXCELLENTAS! Avètz agut de repercussions increïblas amb las joves generacions.

Una trenca de vita 10 ans tanben. Nos avètz acompanhats.
Cadun al sieu biais per abordar tal o tal tèma.
Al biais tecnic e pro. Lo gaubi qué. Mercés encara!

  • 14
  • 0

Escriu un comentari sus aqueste article