Bandièra01 capçalera 1180x150: Botiga

Actualitats

EconomiaInternacionalPoliticaSocietat

Russia a enregistrat lo primièr vaccin contra la covid-19 malgrat lo scepticisme internacional

L’Institut Gamaleya a pas encara aviat d’espròvas de massa e contrarotladas sus d’umans

| Sputnik Vaccine Official
Russia es lo primièr país del Mond qu’a enregistrat un vaccin contra la covid-19, çò anoncièt ièr dimars lo president Vladímir Putin. Segon el, s’agiriá d’un vaccin eficaç que permet d'obténer una immunitat al virus establa al virus e que l’a ja testat la filha del cap de l’estat rus. Li dison Sputnik V en referéncia a la corsa espaciala del temps de la Guèrra Freja.
 
Pasmens, las espròvas sus d’umans las an fachas en mens de dos meses e i a pauca informacion disponibla, e mai Putin diga que lo vaccin a passat “totes los tèstes de besonh”. L’Institut Gamaleya, que l’a desvolopat, a pas encara entamenat una fasa que se considèra primordiala dins lo procès: d’espròva de massa e contrarotladas sus d’umans.
 
De son latz, lo Ministèri rus de la Santat a aprovat que lo vaccin siá administrat volontàriament a totes los ciutadans e a ordenat de ne començar una produccion massissa.
 
En mai d’aquò, es previst de testar lo vaccin en Brasil, als Emirats Arabis e dins las Filipinas.
 
Per ara, l’Organizacion Mondiala de la Santat a pas inclús lo Sputnik V dins sa lista de candidats fisables a la foncion de vaccin contra la covid-19.

 
 

 
 
 
 
 
 
 
abonar los amics de Jornalet
 
 

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

cissonet occitània
4.

"Sputnik V", de verai ? Te deu mandar sus la luna, aquel vaccin !
Aital, per aqui, lo poiriam chafrar : "Putin Go !"

  • 1
  • 1
Pierre LACHAUD
3.

Plan segur que l'OMS a pas envejat de caucionar lo vacin russe qu'entre directament en concurença emben lo vacin de Bill Gates, lo que finança l'OMS.
Es quò qu'i a dins lo monde, a l'ora d'aura, un organisme capable de dire tal vacin es dangeros per la santat, tal autra l'es pas. Non, l'òm tomba dins la polemica e la polemica es totjorn una marrida conselhera.

Perqué aquela corsa au vacin? Per que lo monde prenan lo vacin per una miraudia, un messie e aquò dempuei Pastor. Darrier lo vacin i a una mana financiera mas fau legir los libres dissidents coma "soigner o obeir" de Nicòla e Gerald Delepine" e plan d'autres. Dempuei tots petialets nos an aprengut que lo vacin avia pas d'inconvenius; era anodin e los medecins vacinan sans saber çò qu'i a dins la seringua.

Tornaretz ben prener un vacin!, un vacin per tala malaudia, per tala autra tant e talament bian qu'arribatz a un miliert de malaudias e un milier de vacins dins una vista.

Refusatz lo vacin qual que sia e seretz en melhor santat. Volan un certificat d'iminutat per tal vacin mas son fadas si volan un certificat d'munitat per totas las malaudias.

  • 1
  • 14
Pierre LACHAUD
2.

Plan segur que l'OMS a pas envejat de caucionar lo vacin russe qu'entre directament en concurença emben lo vacin de Bill Gates, lo que finança l'OMS.
Es quò qu'i a dins lo monde, a l'ora d'aura, un organisme capable de dire tal vacin es dangeros per la santat, tal autra l'es pas. Non, l'òm tomba dins la polemica e la polemica es totjorn una marrida conselhera.

Perqué aquela corsa au vacin? Per que lo monde prenan lo vacin per una miraudia, un messie e aquò dempuei Pastor. Darrier lo vacin i a una mana financiera mas fau legir los libres dissidents coma "soigner o obeir" de Nicòla e Gerald Delepine" e plan d'autres. Dempuei tots petialets nos an aprengut que lo vacin avia pas d'inconvenius; era anodin e los medecins vacinan sans saber çò qu'i a dins la seringua.

Tornaretz ben prener un vacin!, un vacin per tala malaudia, per tala autra tant e talament bian qu'arribatz a un miliert de malaudias e un milier de vacins dins una vista.

Refusatz lo vacin qual que sia e seretz en melhor santat. Volan un certificat d'iminutat per tal vacin mas son fadas si volan un certificat d'munitat per totas las malaudias.

  • 1
  • 17

Escriu un comentari sus aqueste article