Actualitats
Nòva Zelanda: Jacinda Ardern a atench la majoritat absoluda
Lo Partit Trabalhista a atench lo 49,1% dels vòtes, mai que mai gràcias a la bona gestion de la pandemia
La primièra ministra neozelandesa, Jacinda Ardern, a atench la majoritat absoluda a las eleccions legislativas de la Nòva Zelanda tengudas aqueste dissabte passat. Lo Partit Trabalhista es arribat al 49,1% dels vòtes, mai que mai gràcias a la bona gestion de la pandemia, e poirà governar tot sol, sens besonh de tornar pachar amb los ecologistas e lo partit Nòva Zelanda Primièr.
Ardern a jutjat lo resultat “potent” e s’es engatjada a governar per totes. “Vivèm dins un Mond polarizat, espèri qu’aquestas eleccions en Nòva Zelanda auràn demostrat que nosautres sèm pas aital. Sèm tròp pichons per pèrdre de vista la perspectiva de totòm”, çò a declarat.
Lo grand vencut de las urnas es lo conservator Partit Nacional de la Nòva Zelanda, qu’en sonque tres ans es passat del 44,4% dels vòtes al 26,8% solament. Per tant, serà desenant la segonda fòrça del parlament amb 35 deputats, fòrça luènh dels 64 dels trabalhistas, que n’avián quaranta sièis durant la legislatura anteriora.
D’autra latz, lo partit populista Nòva Zelanda Primièr, qu’èra fins ara sòci del govèrn d’Ardern, es demorat sens representacion après passar del 7,20% dels vòtes al 2,6% solament. Tanplan, lo Partit Verd es pojat leugièrament fins als 10 deputats, lo meteis nombre que la formacion liberala La Nòva Zelanda Agís. Lo darrièr deputat l’a obtengut lo Partit Maòri.
Ardern a jutjat lo resultat “potent” e s’es engatjada a governar per totes. “Vivèm dins un Mond polarizat, espèri qu’aquestas eleccions en Nòva Zelanda auràn demostrat que nosautres sèm pas aital. Sèm tròp pichons per pèrdre de vista la perspectiva de totòm”, çò a declarat.
Lo grand vencut de las urnas es lo conservator Partit Nacional de la Nòva Zelanda, qu’en sonque tres ans es passat del 44,4% dels vòtes al 26,8% solament. Per tant, serà desenant la segonda fòrça del parlament amb 35 deputats, fòrça luènh dels 64 dels trabalhistas, que n’avián quaranta sièis durant la legislatura anteriora.
D’autra latz, lo partit populista Nòva Zelanda Primièr, qu’èra fins ara sòci del govèrn d’Ardern, es demorat sens representacion après passar del 7,20% dels vòtes al 2,6% solament. Tanplan, lo Partit Verd es pojat leugièrament fins als 10 deputats, lo meteis nombre que la formacion liberala La Nòva Zelanda Agís. Lo darrièr deputat l’a obtengut lo Partit Maòri.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo Partit Maòri deue ser lo dels indigenas e autoctons. Aquestes son los que mai m'agradan a mi.
E ara, la setmana a quatre jorns, la transicion ecologica, la lucha contra la paurièira... I a de trabalh, mas son mai intelligents que nosautres. I arrivaran.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari