Bandièra01 1180x150: País Invisible

Actualitats

Argeria: boicòt màger al referendum sul cambiament de la Constitucion

Lo taus de participacion final s’establiguèt al 23,7% que votèron majoritàriament (un 66,8%) per la nòva Constitucion

| Toufik Doudou, AP Photo
Que siá lo boicòt de l’oposicion, la paur de la covid-19 o la manca d’interès, lo referendum sus la proposicion de lConstitucion en Argeria d’aquesta dimenjada es estada una malescasuda. Lo taus de participacion final s’establiguèt al 23,7% que votèron majoritàriament (un 66,8%) per la nòva Constitucion.
 
Una participacion del 23,7% es un recòrd istoric. Fins ara, la participacion minimala a un vòte foguèt d’un 40% e s’enregistrèt en decembre passat quand Abd Al Magid Tabbun (sovent transcrich AbdelmadjidTebboune) venguèt president.
 
Lo nòu tèxt constitucional se comencèt d’elaborar après l’arribada de Tabbun al poder en seguida de la demission d’Abd Al Aziz Butafliqa (sovent transcrich AbdelazizBouteflika) causada per las nombrosas mobilizacions contra son intencion de se presentar a un cinquen mandat.
 
Tabbun s’engatgèt a dialogar amb l’oposicion e crear una reforma constitucionala per respondre a las revendicacions del pòble. Totun, los manifestants an criticat que las autoritats contunhen d’arrestar los dissidents e planhon que los cambiaments prepausats dins la Constitucion sián insufisents, que sián pas que de simples cambiaments cosmetics per donar una semblança de democratizacion.

 


abonar los amics de Jornalet

 


 
 
 
 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

Lo cas d'Algeria cresi que comencet al 1954 amb una revolucion d'aliberament nacional, mas una revolucion al cap e a la fin. que tenia e ten molts d'elements progressistas. Los integristas alà non an pogut amb la seva ideas reaccionarias tombar lo govern del FLN, e seguirai sent aissí perquè los ijaidistas estan totalment desprestigiats en tot lo mond e solament es dedican al terrorisme en Europa puei de sas derrotas a Siria.

  • 2
  • 1

Escriu un comentari sus aqueste article