Masèl a l’Universitat de Kabol. Tres terroristas tuèron 22 personas diluns de matin, a l’ora d’assisténcia maximala. Al moment de l’ataca i aviá sus plaça 15 000 personas, entre estudiants, professors e personals en general. Pendent cinc oras, tres terroristas fusilhèron lo mond indiscriminadament abans que los agents de seguretat de l’universitat los abatèsson. L’ataca se tenguèt just al moment d’una reünion organizada pel govèrn afgan a prepaus d’un cors d’abilitacion dels que se diplomavan coma jutges e enquistaires. Estat Islamic a revendicat lo multiple assassinat.
 
Segon un rapòrt de l’ÒNU en Afganistan, pendent los 9 primièrs meses d’ongan almens 2117 civils son mòrts e 3822 son nafrats a causa del conflicte armat qu’encara viu lo país.
 
 
De convèrsas de patz que capitan mal?
 
L’ataca arriba un mes e mièg après que comencèron las convèrsas dirèctas de patz entre lo govèrn d’Afganistan e los representants del grop paramilitar fondamentalista islamic dels talibans; aquelas convèrsas s’entamenèron lo 15 de setembre a Al Dawha (Qatar) jos la mediacion dels Estats Units. La tòca es de metre lo ponch final a gaireben dos decennis de guèrra.
 
Dins aquelas negociacions, l’objectiu principal del govèrn afgan es la declaracion d’un alta al fuòc permanent, mas los talibans afortisson que per eles, combatre l’administracion de Kabol, establida pels “invasors” estatsunidencs, fa partida d’una guèrra qu’arrestaràn pas.



 

نور بس دی!
Enough is Enough!#Daesh#Attack#KabulUniversity#Kabul#Afghanistan#ArianaNews#ATNNewspic.twitter.com/4a1ghfhrTd

— Ariana News (@ArianaNews_) November 3, 2020

 

In the wreckage at Kabul University, the bloodstained walls, the broken glass. The bullets left behind, some placed neatly on desks. Shoes, backpacks and even COVID masks left behind. They feared coronavirus but it was terrorists who murdered them in cold blood pic.twitter.com/DwWJInEEMM

— Ali M Latifi (@alibomaye) November 3, 2020