Actualitats
L’òme abatut en Avinhon èra pas un jihadista mas un identitari
Doas oras après l’atemptat jihadista a Niça, la polícia abatèt un òme de 33 ans dins una carrièra d’Avinhon, après qu’aguèt menaçat los passants amb un cotèl
L’òme abatut per la polícia francesa en Avinhon dijòus passat èra pas un jihahista mas un identitari ultradrechista, çò rapòrta Directa.
Dijòus passat, doas oras après l’atemptat jihadista a Niça, la polícia abatèt un òme de 33 ans dins una carrièra d’Avinhon, après qu’aguèt menaçat los passants amb un cotèl. Qualques mèdias e los rets socials restaquèron aquel òme amb l’entorn jihadista en lo ligant al triple assassinat que se veniá de patir dins una basilica de Niça. Mas en realitat, s’agissiá d’un militant de Generacion Identitària, e que portava la vèsta corporativa d’aquel movement ultradrechista, racista e xenofòb.
Dijòus passat, doas oras après l’atemptat jihadista a Niça, la polícia abatèt un òme de 33 ans dins una carrièra d’Avinhon, après qu’aguèt menaçat los passants amb un cotèl. Qualques mèdias e los rets socials restaquèron aquel òme amb l’entorn jihadista en lo ligant al triple assassinat que se veniá de patir dins una basilica de Niça. Mas en realitat, s’agissiá d’un militant de Generacion Identitària, e que portava la vèsta corporativa d’aquel movement ultradrechista, racista e xenofòb.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#18
Qu'èm nombrós a non pas estar vaduts hens ua familha occitanofona. A non pas aver beneficiat d'ua transmission de la lenga dens l'encastre familiau. Donc, a un moment dat, se volem resocializar la lenga, que la cau apréner. E apréner que vòu díser har un esfòrç (tà jo que representè tres annadas d'aprentissatge...). A un moment dat, demorar au francés qu'ei ua solucion de facilitat que hè travas a la dinamica d'aprentissatge. Que'n coneishem de pertots, grans defensors de la lenga occitana que ne hasón pas jamei l'esforç de l'apréner.
#17 Vòle pas bresa francimandar lo jornau, non de non ! De segur que deu damorar en occitan ! Dise màs que lo jornau aperten embé totes los occitans e que los comentaris devon èsser badats embé totes los legisseires, que saubèsson (dejá) la linga o pas.
#16
Acceptar de franchimandejar n'ei pas lo mejan lo mei bon de convéncer lo monde d'apréner l'occitan...
#15 Sèi bien d'acòrd embé tu ! Mas crese que devèm justament fugir los comportaments sectaris imposats per lo poder jacopin desempuei mai de dos cents ans. Aitanben, botar fòra lo monde que sabon panquèra la linga es pas lo moien pus comòde de lur bailar enveja de l'apréner parlar...
#8 La sècta es la sècta francesa que nos enebis de nos exprimir dins la television e la ràdio publica, emai quand se dison "regionalas".
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari