Bandièra01 1180x150: País Invisible

Actualitats

La justícia espanhòla a aquitat los dotze militants independentistas galècs

Lo minstèri public demandava de penas d’entre 4 e 12 ans de preson per apologia del terrorisme, e la dissolucion de las associacions Causa Galiza e Ceivar

| Nós Diario
La justícia espanhòla a aquitat los dotze militants independentistas galècs pels quals lo procuraire demandava de penas d’entre 4 e 12 ans de preson per apologia del terrorisme. Los acusats son de militants de las organizacions Causa Galiza e Ceivar. La primièra es un partit politic independentista que foguèt illegalizat en 2016 pendent un an jos l’acusacion de far l’apologia del terrorisme. Quant a Ceivar, s’agís d’una organizacion antirepressiva. Los procuraires demandavan quitament la dissolucion de las associacions.
 
Los jutges an considerat que las doas organizacions an pas cap de tòca que siá susceptibla de perseguida judiciària, mas que manifèstan la volontat de promòure  la lenga e la cultura galègas e d’agir dins l’encastre politic coma fòrça nacionalista e socialista. Dins lo cas de Ceivar, lor tòca es de portar de sosten als presonièrs independentistas pendent lor sojorn en preson.
 
De fach, èra fòrça susprenent que lo ministèri public aguèsse denonciat en justícia aquelas doas associacions,  encara mai davant la dicha Audiéncia Nacionala, un tribunal d’excepcion especializat en crimes de terrorisme, qu’es lo meteis que dobriguèt la procedura contra los independentistas catalans. E l’insisténcia dels procuraires èra d’aitan mai estonanta  qu’en julhet passat, aquela meteissa cort de justícia aviá levat contra eles las acusacions d’”apertenéncia a banda armada”.
 
Los dotze militants acusats foguèron arrestats a la fin d’octòbre de 2015 dins l’encastre d’una polemica operacion de la Gàrdia Civila per tota Galícia.

 
 
 
 




abonar los amics de Jornalet

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Portugaliza
2.

VIVA GALIZA CEIVE!
NOM PODERAM CONNOSCO!!

  • 0
  • 0
francesc palma
1.

Los an absolt, però per quin motiu duen a judici persones per ser independentistas ? Què no saben aquests jutges de l'Audiència Nacionals que son los Dets Umans e qu' eles no o poden far an aissò?

  • 7
  • 0

Escriu un comentari sus aqueste article